[๑๘๓๗] สพฺโพ โลโก ปรจิตฺเตน ๑ อติจิตฺโต
สพฺโพ โลโก จิตฺตวา สมฺหิ จิตฺเต
ปจฺเจกจิตฺตา ปุถุ สพฺพสตฺตา
กสฺสีธ จิตฺตสฺส วเส น วตฺเต ฯ

[๑๘๓๘] ตุณฺหี อหุ กึปุริโส สภริโย ๒-๔
โยทานิ พฺยากาสิ ภยสฺส ภีโต
โสทานิ มุตฺโต สุขิโต อโรโค
วาจา กิเรวตฺถวตี นรานนฺติ ฯ
ตกฺการิยชาตกํ อฏฺฐมํ ฯ
____________
๙ รุรุมิคชาตกํ ๓

[๑๘๓๙] ตสฺส ๔ คามวรํ ทมฺมิ นาริโย จ อลงฺกตา
โก ๕ เม ตํ มิคมกฺขาสิ มิคานํ มิคมุตฺตมํ ฯ

[๑๘๔๐] มยฺหํ คามวรํ เทหิ นาริโย จ อลงฺกตา
อหํ เต มิคมกฺขิสฺสํ มิคานํ มิคมุตฺตมํ ฯ

[๑๘๔๑] เอตสฺมึ วนสณฺฑสฺมึ อมฺพา สาลา จ ปุปฺผิตา
#๑ ม. ปริจิตฺโต ฯ ๒ อภาณิโสติปิ ฯ ๓ ม. รุรุมิคราชชาตกํ ฯ ๔ สี. ยุ. กสฺส ฯ
#๕ ม. โย ฯ ตํ ยุตฺตตรํ ฯ
อินฺทโคปกสญฺฉนฺนา เอตฺเถโส ติฏฺฐติ มิโค ฯ

[๑๘๔๒] ธนน อเทฺวชฺฌํ กตฺวาน อุสุํ สนฺนยฺหุปาคมิ ๑
มิโค จ ทิสฺวา ราชานํ ทูรโต อชฺฌภาสถ
อาคเมหิ มหาราช มา มํ วิชฺฌิ รเถสภ
โก นุ เต อิทมกฺขาสิ เอตฺเถโส ติฏฺฐติ มิโค ฯ

[๑๘๔๓] เอส ปาปจโร โปโส สมฺม ติฏฺฐติ อารกา
โส หิ ๒ เม อิทมกฺขาสิ เอตฺเถโส ติฏฺฐติ มิโค ฯ

[๑๘๔๔] สจฺจํ กิเรวมาหํสุ นรา เอกจฺจิยา อิธ
กฏฺฐํ นิปาวตํ ๓ เสยฺโย น เตฺวเวกจฺจิโย นโร ฯ

[๑๘๔๕] กินฺนุ รุรุ ครหสิ มิคานํ
กึ ปกฺขินํ กึ ปน มานุสานํ
ภยํ หิ มํ วินฺทตินปฺปรูปํ
สุตฺวาน ตํ มานุสิ ๔ ภาสมานํ ฯ

[๑๘๔๖] ยมุทฺธรึ วาหเน วุยฺหมานํ
มโหทเก สลิเล สีฆโสเต
ตโตนิทานํ ภยมาคตํ มม
ทุกฺโข หเว ราช อสพฺภิ สงฺคโม ฯ