[๑๘๒๗] ปปฺโปติ มจฺโจ อติเวลภาณี
พนฺธํ วธํ โสกปริทฺทวญฺจ
อตฺตานเมว ครหาสิ เอตฺถ ๑
อาจริย ตํ นิกฺขณนฺติ ๒ โสพฺเภ ฯ

[๑๘๒๘] กิเมวาหํ ตุณฺฑิลํ อนุปุจฺฉึ
กเรยฺยาสํ ๓ ภาตรํ กาลิกาย
นคฺโควหํ วตฺถยุคญฺจ ชิโน
อยมฺปิ อตฺโถ พหุ ตาทิโสว ฯ

[๑๘๒๙] โย ยุชฺฌมานานํ อยุชฺฌมาโน
เมณฺฑนฺตรํ อจฺจุปตี กุลิงฺโค
โส ปึสิโต เมณฺฑสิเรหิ ตตฺถ
อยมฺปิ อตฺโถ พหุ ตาทิโสว ฯ

[๑๘๓๐] จตุโร ชนา โปตฺถกมคฺคเหสุํ
เอกญฺจ โปสํ อนุรกฺขมานา
สพฺเพว เต ภินฺนสิรา สยึสุ
อยมฺปิ อตฺโถ พหุ ตาทิโสว ฯ

[๑๘๓๑] อชา ยถา เวฬุคุมฺพสฺมึ พนฺธา
อเวกฺขิปนฺตี ๔ อสิมชฺฌคจฺฉิ
#๑ สี. เอตฺโต ฯ ๒ ม. อาเจร ยํ ตํ นิกฺขณนฺติ ฯ ๓ กเรยฺย สงฺคหนฺติปิ ฯ
#ม. กเรยฺย สํ ฯ ๔ ม. อวกฺขิปนฺตี ฯ
เตเนว ตสฺสา คลกํ วิกนฺตา ๑
อยมฺปิ อตฺโถ พหุ ตาทิโสว ฯ

[๑๘๓๒] นยิเม เทวา นาปิ ๒ คนฺธพฺพปุตฺตา
มิคา อิเม อตฺถวสาภตา อิเม ๓
เอกญฺจ นํ สายมาเส ปจนฺตุ
เอกํ ๔ ปุนปฺปาตราเส ปจนฺตุ ฯ

[๑๘๓๓] สตํ สหสฺสาน ทุพฺภาสิตานํ ๕
กลมฺปิ นาคฺฆติ สุภาสิตสฺส
ทุพฺภาสิตํ สงฺกมาโน กิเลโส
ตสฺมา ตุณฺหี กึปุริโส ๖ น พาลฺยา ฯ

[๑๘๓๔] ยา เมสา พฺยากาสิ ๗ ปมุญฺจเถตํ
คิริญฺจ นํ หิมวนฺตํ นยนฺตุ
อิมญฺจ โข เทนฺตุ มหานสาย
ปาโตว นํ ปาตราเส ปจนฺตุ ฯ

[๑๘๓๕] ปชฺชุนฺนนาถา ปสโว ปสุนาถา อยํ ปชา
ตฺวํนาโถสฺมิ ๘ มหาราช อมฺหนาถา มม ภริยา ๙
ทฺวินฺนมญฺญตรํ ญตฺวา มุตฺโต คจฺเฉยฺย ปพฺพตํ ฯ

[๑๘๓๖] น เว นินฺทา สุปริวชฺชยาถ ๑๐
#๑ ม. คลกาวกนฺตํ ฯ ๒ ม. อิเม น เทวา น ฯ ๓ ม. อตฺถวสํ คตา เม ฯ
#๔ สี. ยุ. เอกญฺจ นํ ปาตราเส ฯ ๕ ม. สหสฺสานิ ทุภาสิตานิ ฯ ๖ ม. กิมฺปุริสา ฯ
#๗ ม. พฺยาหาสิ ฯ ๘ ม. ตฺวํ นาโถสิ ฯ ๙ ม. นาโถหํ ฯ ๑๐ ม. สุปริวชฺชเยถ ฯ
นานาชนา เสวิตพฺพา ชนินฺท
เยเนว เอโก ลภเต ปสํสํ
เตเนว อญฺโญ ลภเต นินฺทิตารํ ฯ