[๑๗๕๗] อปิ เจ มญฺญตี โปโส ญาติ มิตฺโต สขาติ วา
โย ปุพฺเพ สุมโน หุตฺวา ปจฺฉา สมฺปชฺชเต ทิโส ฯ

[๑๗๕๘] ยสฺมึ มโน นิวิสติ อวิทูเร สหาปิ โส
สนฺติเกปิ หิ โส ทูเร ยสฺมา วิวสเต ๓ มโน ฯ

[๑๗๕๙] อนฺโตปิ เจ ๔ โหติ ปสนฺนจิตฺโต
ปารํ สมุทฺทสฺส ปสนฺนจิตฺโต
อนฺโตปิ โส โหติ ปทุฏฺฐจิตฺโต
ปารํ สมุทฺทสฺส ปทุฏฺฐจิตฺโต ฯ

[๑๗๖๐] สํวสนฺตา วิวสนฺติ เย ทิสา เต รเถสภ
อารา สนฺโต สํวสนฺติ มนสา รฏฺฐวฑฺฒน ฯ

[๑๗๖๑] อติจิรํ นิวาเสน ปิโย ภวติ อปฺปิโย
อามนฺต โข ตํ คจฺฉามิ ๕ ปุรา เต โหมิ อปฺปิโย ๖ ฯ

[๑๗๖๒] เอวํ เจ ยาจมานานํ อญฺชลึ นาวพุชฺฌสิ
ปริจารกานํ สนฺตานํ ๗ วจนํ น กโรสิ โน
เอวนฺตํ อภิยาจาม ปุน กยิราสิ ปริยายํ ฯ

[๑๗๖๓] เอวํ เจ โน วิหรตํ อนฺตราโย น เหสฺสติ
#๑ ม. ปิสฺสามิ ฯ สี. ยุ. ปายามิ ฯ ๒ สี. ยุ. สกุนฺตานญฺจ ฯ ๓ ม. ยสฺมึ
#นาวิสเต ฯ ๔ ม. โส ฯ ๕ ม. คจฺฉาม. ๖ ม. โหม อปฺปิยา ฯ
#๗ ม. สตํ ฯ ยุ. สตฺตานํ ฯ
ตุยฺหํ วาปิ ๑ มหาราช มยฺหํ วา ๒ รฏฺฐวฑฺฒน
อปฺเปวนาม ปสฺเสม อโหรตฺตานมจฺจเยติ ฯ
ชวนหํสชาตกํ ตติยํ ฯ
___________
๔ จุลฺลนารทกสฺสปชาตกํ ๓

[๑๗๖๔] น เต กฏฺฐานิ ภินฺนานิ น เต อุทกมาภตํ
อคฺคิปิ เต น หาสิโต ๔ กินฺนุ มนฺโทว ฌายสิ ฯ

[๑๗๖๕] น อุสฺสเห วเน วตฺถุํ กสฺสปามนฺตยามิ ตํ
ทุกฺโข วาโส อรญฺญสฺมึ รฏฺฐํ อิจฺฉามิ คนฺตเว ฯ

[๑๗๖๖] ยถา อหํ อิโต คนฺตฺวา ยสฺมึ ชนปเท วสํ
อาจารํ พฺรเหฺม สิกฺเขยฺย ตํ ธมฺมํ อนุสาส มํ ฯ