[๑๔๗๗] มิตฺตานิ เว ยสฺส ภวนฺติ สนฺโต
สํวิสฺสตฺถา อวิสํวาทกสฺส
น มิตฺตทุพฺภี สํวิภาคี ธเนนu
มิตฺเตสุ เว โสตฺถานํ ตทาหุ ฯ

[๑๔๗๘] ยสฺส ภริยา ตุลฺยวยา สมคฺคา
อนุพฺพตา ธมฺมกามา ปชาตา
โกลินิยา สีลวตี ปติพฺพตา
ทาเรสุ เว โสตฺถานํ ตทาหุ ฯ

[๑๔๗๙] ยสฺส ราชา ภูตปตี ยสสฺสี
ชานาติ โสเจยฺย ๔ ปรกฺกมญฺจ
อเทฺวชฺฌตา สุหทยํ มมนฺติ
ราชูสุ เว โสตฺถานํ ตทาหุ ฯ
#๑ สี. ยุ. สหายมตฺเต ฯ ๒ อตฺถทสฺสีติปิ ปาโฐ ฯ ๓ สี. ยุ. มุตีมา ฯ
#๔ ม. โสเจยฺยํ ฯ

[๑๔๘๐] อนฺนญฺจ ปานญฺจ ททาติ สทฺโธ
มาลญฺจ คนฺธญฺจ วิเลปนญฺจ
ปสนฺนจิตฺโต อนุโมทมาโน
สคฺเคสุ เว โสตฺถานํ ตทาหุ ฯ

[๑๔๘๑] ยมริยธมฺเมน ปุนนฺติ วทฺธา ๑
อาราธิตา สมจริยาย สนฺโต
พหุสฺสุตา อิสโย สีลวนฺโต
อรหนฺตมชฺเฌ โสตฺถานํ ตทาหุ ฯ

[๑๔๘๒] เอตานิ โข โสตฺถานานิ โลเก
วิญฺญูปสตฺถานิ สุขุทฺรยานิ ๒
ตานีธ เสเวถ นโร สปญฺโญ
น หิ มงฺคเล กิญฺจินมตฺถิ ๓ สจฺจนฺติ ฯ
มหามงฺคลชาตกํ ปณฺณรสมํ ฯ
_______________
๑๖ ฆตปณฺฑิตชาตกํ

[๑๔๘๓] อุฏฺเฐหิ กณฺห กึ เสสิ โก อตฺโถ สุปเนน เต
โยปิ ตุยฺหํ ๔ สโก ภาตา หทยํ จกฺขุทกฺขิณํ ๕
ตสฺส วาตา พลิยฺยนฺติ ฆโต ชปฺปติ เกสว ฯ

[๑๔๘๔] ตสฺส ตํ วจนํ สุตฺวา โรหิเณยฺยสฺส เกสโว
ตรมานรูโป วุฏฺฐาสิ ภาตุโสเกน อฏฺฏิโต ฯ
#๑ ม. วุทฺธา ฯ ๒ ยุ. สุขินฺทฺริยานิ ฯ ๓ ม. กิญฺจนมตฺถิ ฯ ๔ ยุ. ตายํ ฯ
#๕ ม. จกฺขุ จ ทกฺขิณํ ฯ ยุ. จกฺขขว ฯ

[๑๔๘๕] กินฺนุ อุมฺมตฺตรูโปว เกวลํ ทฺวารกํ อิมํ
สโส สโสติ ลปสิ โก นุ เต สสมาหริ ฯ

[๑๔๘๖] โสวณฺณมยํ มณิมยํ (โลหมยํ) อถ วา รูปิยมยํ
สงฺขสิลาปวาฬมยํ การยิสฺสามิ เต สสํ ฯ
สนฺติ อญฺเญปิ สสกา อรญฺเญ วนโคจรา
เตปิ เต อานยิสฺสามิ กีทิสํ สสมิจฺฉสิ ฯ