[๑๔๔๗] ทุทฺททํ ททมานานํ ทุกฺกรํ กมฺมกุพฺพตํ
อสนฺโต นานุกุพฺพนฺติ สตํ ธมฺโม ทุรนฺนโย ฯ

[๑๔๔๘] ตสฺมา สตญฺจ อสตญฺจ ๒ นานา โหติ อิโต คติ
อสนฺโต นิรยํ ยนฺติ สนฺโต สคฺคปรายนา ฯ

[๑๔๔๙] อปฺปมฺเปเก ๓ ปเวจฺฉนฺติ พหุนาเก ๔ น ทิจฺฉเร
อปฺปสฺมา ทกฺขิณา ทินฺนา สหสฺเสน สมํ มิตา ฯ

[๑๔๕๐] ธมฺมญฺจเร โยปิ สมุจฺฉกํ จเร
ทารญฺจ โปสํ ททมปฺปกสฺมึ
สตสหสฺสานํ สหสฺสยาคินํ
กลมฺปิ นาคฺฆนฺติ ตถาวิธสฺส เต ฯ

[๑๔๕๑] เกเนส ยญฺโญ วิปุโล มหคฺฆโต
สเมน ทินฺนสฺส อนคฺฆเมติ
กถํ [๔] สหสฺสานํ สหสฺสยาคินํ
#๑ ม. ปุญฺญานิ ฯ ๒ ม. จสทฺโท นตฺถิ ฯ ๓ ม. อุปสเมเก ฯ ๔ ม. พหุเนเก ฯ
#๕ ม. สตํ ฯ
กลมฺปิ นาคฺฆนฺติ ตถาวิธสฺส เต ฯ

[๑๔๕๒] ททนฺติ เหเก วิสเม นิวิฏฺฐา
ฆตฺวา ๑ วธิตฺวา อถ โสจยิตฺวา
สา ทกฺขิณา อสฺสุมุขา สทณฺฑา
สเมน ทินฺนสฺส น อคฺฆเมติ
เอวํ [๒] สหสฺสานํ สหสฺสยาคินํ
กลมฺปิ นาคฺฆนฺติ ตถาวิธสฺส เตติ ฯ
พิลารโกสิยชาตกํ ทฺวาทสมํ ฯ
____________
๑๓ จกฺกวากชาตกํ

[๑๔๕๓] วณฺณวา อภิรูโปสิ ฆโน สญฺชาตโรหิโต
จกฺกวาก สุรูโปสิ วิปฺปสนฺนมุขินฺทฺริโย ฯ

[๑๔๕๔] ปาฏีนํ ปาวุสํ มจฺฉํ พลชฺชํ ๓ มุญฺชโรหิตํ
คงฺคาตีเร นิสินฺโนสิ ๔ เอวํ ภุญฺชสิ โภชนํ ฯ8

[๑๔๕๕] น วาหเมตํ ภุญฺชามิ ชงฺคลานูทกานิ วา
อญฺญตฺร เสวาลปณกา อญฺญํ ๕ เม สมฺม โภชนํ ฯ

[๑๔๕๖] น วาหเมตํ สทฺทหามิ จกฺกวากสฺส โภชนํ
อหมฺปิ สมฺม ภุญฺชามิ คาเม โลณิกเตลิกํ ฯ