[๑๓๘๗] ทหรึ กุมารึ อสมตฺถปญฺญํ
ยนฺตานยึ ญาติกุลา สุคตฺเต
น จาปิ เม อปฺปิยตํ อเวทิ
อญฺญตฺร กามา ปริจารยนฺตา ๕
อถ เกน วณฺเณน มยา หิ ๖ โภติ
สํวาสธมฺโม อหุ เอวรูโป ฯ

[๑๓๘๘] อารา ทูเร นยิธ กทาจิ อตฺถิ
ปรมฺปรา นาม กุเล อิมสฺมึ
ตํ กูลวตฺตํ ๓ อนุวตฺตมานา
#๑ ม. อาสุํ ฯ ๒ ม. อหุํ ฯ ๓ ม. กุลฺลวตฺตํ ฯ เอวมุปริปิ ฯ
#๔ ม. อนฺติมคนฺธโน ฯ สี. คนฺธินี ฯ ๕ สี. ยุ. ปริจารยนฺตี ฯ ๖ ม. เต ฯ
มาหํ กุเล อนฺติมคนฺธินี อหุํ
เอตสฺส วาทสฺส ชิคุจฺฉมานา
อกามิกา ปฏฺฐจรามิ ๑ ตุยฺหํ ฯ

[๑๓๘๙] มณฺฑพฺย ภาสิสฺสํ อภาสเนยฺยํ ๒
ตํ ขมฺยตํ ปุตฺตเหตุ มมชฺช ๓
ปุตฺตเปมา นยิธ ปรตฺถิ กิญฺจิ
โส โน อยํ ชีวติ ยญฺญทตฺโตติ ฯ
มณฺฑพฺยชาตกํ ฉฏฺฐํ ฯ
____________
๗ นิโคฺรธชาตกํ

[๑๓๙๐] น วาหเมตํ ๔ ชานามิ โกวายํ กสฺส จาริ วา ๕-
ยถา สาโข วทิ ๖ เอวํ นิโคฺรธ กินฺติ มญฺญสิ ฯ

[๑๓๙๑] ตโต คลวินีเตน ปุริสา นีหรึสุ มํ
ทตฺวา มุขปฺปหารานิ สาขสฺส วจนํ กรา ฯ

[๑๓๙๒] เอตาทิสํ ทุมฺมตินา อกตญฺเญน ๗ ทุพฺภินา
กตํ อนริยํ สาเขน สขินา เต ชนาธิป ฯ

[๑๓๙๓] น วาหเมตํ ชานามิ นปิ เม โกจิ สํสติ
ยํ เม ตฺวํ สมฺม อกฺขาสิ สาเขน กฑฺฒนํ ๘ กตํ ฯ
#๑ สี. พทฺธจรามิ ฯ ม. ปทฺธจรามฺหิ ฯ ๒ ม. มณฺฑพฺย ภาสึ ยมภาสเนยฺยํ ฯ
#๓ ม. ปุตฺตกเหตุ มชฺช ฯ ๔ สี. จาหเมตํ ฯ ๕ ม. วาติ วา ฯ ๖ ม. จริ ฯ
#๗ ม. อกตญฺญุน ฯ ๘ ม. การณํ ฯ

[๑๓๙๔] สขีนํ สาชีวงฺกโร มม สาขสฺส จูภยํ
ตฺวํ โนสิสฺสริยํ ทาตา มนุสฺเสสุ มหคฺคตํ ๑
ตุยฺหมฺหา ลพฺภิตา อิทฺธิ เอตฺถ เม นตฺถิ สํสโย ฯ

[๑๓๙๕] ยถาปิ วีชํ อคฺคิสฺมึ ฑยฺหติ น วิรูหติ
เอวํ กตํ อสปฺปุริเส นสฺสติ น วิรูหติ ฯ

[๑๓๙๖] กตญฺญุมฺหิ จ โปสมฺหิ สีลวนฺเต อริยวุตฺติเน
สุเขตฺเต วิย พีชานิ กตํ ตมฺหิ น นสฺสติ ฯ