[๑๒๔๗] เอวเมตํ มหาราช ยถา เต วจนํ สุตํ
#๑ ม. เมตฺติ ฯ ๒ ม. อปิ นาม นํ ปสฺเสยฺยุํ ฯ
กุมฺมคฺคํ ปฏิปนฺโนสฺมิ โมหเนยฺเยสุ มุจฺฉิโต ฯ

[๑๒๔๘] อทุ ๑ ปญฺญา กิมตฺถิกา นิปุณา สาธุจินฺตินี ๒
ยาย อุปฺปติตํ ราคํ กึ มโน น วิโนทเย ฯ

[๑๒๔๙] จตฺตาโรเม มหาราช โลเก อติพลา ภุสา
ราโค โทโส มโท โมโห ยตฺถ ปญฺญา น คาธติ ฯ

[๑๒๕๐] อรหา สีลสมฺปนฺโน สุทฺโธ จรติ หาริโต
เมธาวี ปณฺฑิโต เจว อิติ โน สมฺมโต ภวํ ฯ

[๑๒๕๑] เมธาวินมฺปิ หึสนฺติ อิสิธมฺมคุเณ รตํ
วิตกฺกา ปาปกา ราช สุภา ราคูปสญฺหิตา ฯ

[๑๒๕๒] อุปฺปนฺโนยํ ๓ สรีรโช ราโค วณฺณวิทูสโน ๔
ตว ตํ ปชห นมตฺถุ ๕ พหุนาสิ เมธาวิ สมฺมโต ฯ

[๑๒๕๓] เต อนฺธกรเณ ๖ กาเม พหุทุกฺเข มหาวิเส
เตสํ มูลํ คเวสิสฺสํ เฉชฺชํ ๗ ราคํ สพนฺธนํ ฯ

[๑๒๕๔] อิทํ วตฺวาน หาริโต อิสิ สจฺจปรกฺกโม
กามราคํ วิราเชตฺวา พฺรหฺมโลกูปโค อหูติ ฯ
หริตจชาตกํ ปญฺจมํ ฯ
____________
๖ ปทกุสลมาณวชาตกํ

[๑๒๕๕] พหุสฺสุตํ จิตฺตกถํ คงฺคา วหติ ปาฏลึ ๘
#๑ สี. ยุ. อาทุ ฯ ๒ สี. ยุ. สาธุจินฺตนี ฯ ๓ ม. อุปฺปนฺนายํ ฯ
#๔ ม. ราโค วณฺณวิทูสโน ตว ฯ ๕ ม. ตํ ปชห ภทฺทมตฺถุ เต ฯ ๖ ม. อนฺธการเก ฯ
#๗ ม. เฉจฺฉํ ฯ เอวมุปริปิ ฯ ๘ สี. ยุ. ปาฏลํ ฯ
วุยฺหมานก ภทฺทนฺเต เอกํ เม เทหิ คาถกํ ฯ

[๑๒๕๖] เยน สิญฺจนฺติ ทุกฺขิตํ เยน สิญฺจนฺติ อาตุรํ
ตสฺส มชฺเฌ มริสฺสามิ ชาตํ สรณโต ภยํ ฯ