[๑๑๗๗] อมิตฺตานํว หตฺถตฺถํ สีวิ ปปฺโปติ มามิว
กมฺมํ วิชฺชญฺจ ทกฺเขยฺยํ วิวาหํ สีลมทฺทวํ
เอเต จ ยเส หาเปตฺวา นิพฺพตฺโต เสหิ กมฺเมหิ ฯ

[๑๑๗๘] โสหํ สหสฺสชีโนว อพนฺธุ อปรายโน
อริยธมฺมา อปกฺกนฺโต ยถา เปโต ตเถวหํ ฯ

[๑๑๗๙] สุขกาเม ทุกฺขาเปตฺวา อาปนฺโนสฺมิ ปทํ อิมํ
โส สุขํ นาธิคจฺฉามิ ฐิโต ๔ ภาณุมหิมิวาติ ๕ ฯ
อินฺทฺริยชาตกํ สตฺตมํ ฯ
____________
๘ อาทิตฺตชาตกํ

[๑๑๘๐] อาทิตฺตสฺมึ อคารสฺมึ ยํ นีหรติ ภาชนํ
#๑ ม. คหปตี ฯ ๒ ม. อปิโส ฯ ๓ ม. โย. ฯ ๔ สี. ยุ. จิโต ฯ
#๕ ภาณุมกาสิวาติปิ ปาโฐ ฯ สี. ม. ภาณุมตามิว ฯ
ตํ ตสฺส โหติ อตฺถาย โน จ ยํ ตตฺถ ฑยฺหติ ฯ

[๑๑๘๑] เอวมาทิปิโต โลโก ชราย มรเณน จ
นีหเรเถว ทาเนน ทินฺนํ โหติ สุนีภตํ ๑ ฯ

[๑๑๘๒] โย ธมฺมลทฺธสฺส ททาติ ทานํ
อุฏฺฐานวิริยาธิคตสฺส ชนฺตุ
อติกฺกมฺม โส เวตรณึ ยมสฺส
ทิพฺพานิ ฐานานิ อุเปติ มจฺโจ ฯ

[๑๑๘๓] ทานญฺจ ยุทฺธญฺจ สมานมาหุ
อปฺปาปิ สนฺตา พหุเก ชินนฺติ
อปฺปมฺปิ เจ สทฺทหาโน ททาติ
เตเนว โส โหติ สุขี ปรตฺถ ฯ

[๑๑๘๔] วิเจยฺย ทานํ สุคตปฺปสตฺถํ
เย ทกฺขิเณยฺยา อิธ ชีวโลเก
เอเตสุ ทินฺนานิ มหปฺผลานิ
พีชานิ วุตฺตานิ ยถา สุเขตฺเต ฯ

[๑๑๘๕] โย ปาณภูตานิ อเหฐยํ จรํ
ปรูปวาทา น กโรติ ปาปํ
ภีรุํ ปสํสนฺติ น ตตฺถ สูรํ
ภยา หิ สนฺโต น กโรนฺติ ปาปํ ฯ

[๑๑๘๖] หีเนน พฺรหฺมจริเยน ขตฺติเย อุปปชฺชติ
#๑ ม. สุนีหตํ ฯ
มชฺฌิเมน จ เทวตฺตํ อุตฺตเมน วิสุชฺฌติ ฯ