[๑๑๒๗] เอวญฺจ เต รุจฺจติ กาติยานิ
หตาปิ สนฺตา น ชหาสิ ธมฺมํ
ตุวญฺจ ปุตฺโต สุณิสา จ นตฺตา
สมฺโมทมานา ฆรมาวเสถ ฯ

[๑๑๒๘] สา กาติยานี สุณิสาย สทฺธึ
สมฺโมทมานา ฆรมาวสิตฺถ
#๑ สี. ม. ปนมฺหิ ฯ ๒ สี. ยุ. นาหํ มโตสฺมิ ฯ
ปุตฺโต จ นตฺตา จ อุปฏฺฐหึสุ ฯ
เทวานมินฺเทน อธิคฺคหีตาติ ฯ
กจฺจานิชาตกํ ปฐมํ ฯ
____________
๒ อฏฺฐสทฺทชาตกํ

[๑๑๒๙] อิทํ ปุเร นินฺนมาหุ พหุมจฺฉํ มโหทกํ
อาวาโส พกราชสฺส เปตฺติกํ ภวนํ มม
ตฺยชฺช ภิงฺเคน ๑ ยาเปม โอกํ น วิชฺชหามเส ๒

[๑๑๓๐] โก ทุติยํ อสีลิสฺส พนฺธุรสฺสกฺขิ เภชฺชติ ๓
โก เม ปุตฺเต กุลาวกํ มญฺจ โสตฺถึ กริสฺสติ ฯ

[๑๑๓๑] สพฺพา ปริกฺขตา เผคฺคุ ยาว ตสฺสา คตี อหุ
ขีณภกฺโข มหาราช สาเร น รมตี ฆุโณ ฯ

[๑๑๓๒] สา นูนาหํ อิโต คนฺตฺวา รญฺโญ มุตฺตา นิเวสนา
อตฺตานํ รมยิสฺสามิ ทุมสาขานิเกตินี ๔ ฯ

[๑๑๓๓] โส นูนาหํ อิโต คนฺตฺวา รญฺโญ มุตฺโต นิเวสนา
อคฺโคทกานิ ปิวิสฺสามิ ยูถสฺส ปุรโต วชํ ฯ

[๑๑๓๔] ตํ มํ กาเมหิ สมฺมตฺตํ รตฺตํ กาเมสุ มุจฺฉิตํ
อานยี ภรโต ลุทฺโธ ๕ พาหิโก ภทฺทมตฺถุ เต ฯ

[๑๑๓๕] อนฺธการติมิสายํ ตุงฺเค อุปริ ปพฺพเต
#๑ สี. ม. เภเกน ฯ ๒ ม. วชหามเส ฯ ๓ ม. พนฺธรสฺสกฺขิ เภจฺฉติ ฯ
#๔ ม. ทุมสาขนิเกตินี ฯ ๕ ม. สพฺพตฺล ลุทฺโท ฯ
สา มํ สเณฺหน มุทุนา มา ปาทํ ขณิยสฺมนิ ๑ ฯ

[๑๑๓๖] อสํสยํ ชาติขยนฺตทสฺสี
น คพฺภเสยฺยํ ปุนราวฏิสฺสํ ๒
อยมนฺติมา ปจฺฉิมคพฺภเสยฺยา ๓
ขีโณ เม สํสาโร ปุนพฺภวายาติ ฯ
อฏฺฐสทฺทชาตกํ ทุติยํ ฯ
___________
๓ สุลสาชาตกํ