[๑๑๐๗] น กิรตฺถิ อโนมทสฺสีสุ
ปาริจริยา พุทฺเธสุ อปฺปกา ๔
#๑ ม. โก มเมตํ … ฯ ๒ ม. สุปฺปมาเณสุ ฯ ๓ ม. กุมฺมาสปิณฺฑิ … ฯ
#๔ ม. อปฺปิกา ฯ
สุกฺขาย อโลณิกาย จ
ปสฺส ผลํ กุมฺมาสปิณฺฑิยา ฯ
หตฺถี ควาสฺสา จิเม พหู
ธนธญฺญา ปฐวี จ เกวลา
นาริโย จิมา อจฺฉรูปมา
ปสฺส ผลํ กุมฺมาสปิณฺฑิยา ฯ

[๑๑๐๘] อภิกฺขณํ ราชกุญฺชร
คาถา ภาสสิ โกสลาธิป
ปุจฺฉามิ ตํ รฏฺฐวฑฺฒน
พาฬฺหํ ปีติมโน ปภาสสิ ฯ

[๑๑๐๙] อิมสฺมึเยว นคเร กุเล อญฺญตเร อหุํ
ปรกมฺมกโร อาสึ ภตโก สีลสํวุโต ฯ
กมฺมาย นิกฺขมนฺตาหํ ๑ จตุโร สมณทฺทสํ
อาจารสีลสมฺปนฺเน สีติภูเต อนาสเว ฯ
เตสุ จิตฺตํ ปสาเทตฺวา นิสีเทตฺวา ปณฺณสนฺถเต
อทํ พุทฺธาน กุมฺมาสํ ปสนฺโน เสหิ ปาณิภิ ฯ
ตสฺส กมฺมสฺส กุสลสฺส อิทํ เม เอทิสํ ผลํ
อนุโภมิ อิทํ รชฺชํ ผีตํ ธรณิมุตฺตมํ ฯ

[๑๑๑๐] ททํ ภุญฺช จ มา จ ปมาโท
จกฺกํ วตฺตย โกสลาธิป
#๑ ม. นิกฺขมนฺโตหํ ฯ
มา ราช อธมฺมิโก อหุ
ธมฺมํ ปาลย โกสลาธิป ฯ

[๑๑๑๑] โสหํ ตเทว ปุนปฺปุนํ
วฏุมํ อาจริสฺสามิ โสภเน
อริยาจริตํ สุโกสเล
อรหนฺโต เม มนาปาว ปสฺสิตุํ ฯ

[๑๑๑๒] เทวี วิย อจฺฉรูปมา
มชฺเฌ นาริคณสฺส โสภสิ
กึ กมฺมมกาสิ ภทฺทกํ
เกนาสิ วณฺณวตี สุโกสเล ฯ

[๑๑๑๓] อมฺพฏฺฐกุลสฺส ขตฺติย
ทาสฺยาหํ ปรเปสิยา อหุํ
สญฺญตา จ ธมฺมชีวินี
สีลวตี จ อปาปทสฺสนา ฯ
อุทฺธฏภตฺตํ อหํ ตทาๆ
จรมานสฺส อทาสิ ภิกฺขุโน
จิตฺตา สุมนา สยํ อหํ
ตสฺส กมฺมสฺส ผลํ มเมทิสนฺติ ฯ
กุมฺมาสปิณฺฑชาตกํ ทสมํ ฯ
_______________
๑๑ ปรนฺตปชาตกํ

[๑๑๑๔] อาคมิสฺสติ เม ปาปํ อาคมิสฺสติ เม ภยํ
ตทา หิ จลิตา สาขา มนุสฺเสน มิเคน วา ฯ

[๑๑๑๕] ภีรุยา นูน เม กาโม อวิทูเร วสนฺติยา
กริสฺสติ กิสํ ปณฺฑฑ สาว สาขา ปรนฺตปํ ฯ

[๑๑๑๖] โสจยิสฺสติ มํ กนฺตา คาเม วสํ อนินฺทิตา
กริสฺสติ กิสํ ปณฺฑฑ สาว สาขา ปรนฺตปํ ฯ