[๑๐๘๗] อถิมํ ขุทฺทกํ ปกฺขึ อปฺปมํสตรํ มยา
ธารยํ พฺยถสิ ภีโต ๑ กิมตฺถํ ๒ โกฏสิมฺพลิ ๓ ฯ

[๑๐๘๘] มํสภกฺโข ตุวํ ราช ผลภกฺโข อยํ ทิโช
อยํ นิโคฺรธวีชานิ มิลกฺขุทุมฺพรานิ จ
อสฺสตฺถานิ จ ภกฺเขตฺวา ๔ ขนฺเธ เม โอทหิสฺสติ ฯ

[๑๐๘๙] เต รุกฺขา สํวิรูหนฺติ มม ปสฺเส นิวาตชา
เต มํ ปริโยนทฺธิสฺสนฺติ อรุกฺขํ มํ กริสฺสเร ฯ

[๑๐๙๐] สนฺติ อญฺเญปิ รุกฺขาเส มูลิโน ขนฺธิโน ทุมา
อิมินา สกุณชาเตน วีชมาหริตฺวา หตา ฯ

[๑๐๙๑] อชฺฌารูหา หิ ๕ วฑฺฒนฺติ พฺรหนฺตํปิ วนปฺปตึ
ตสฺมา ราช ปเวธามิ สมฺปสฺสํ นาคตํ ภยํ ฯ

[๑๐๙๒] สงฺเกยฺย สงฺกิตพฺพานิ รกฺเขยฺยานาคตํ ภยํ
#๑ ม. ภีตา ฯ ๒ ม. กมตฺถํ ฯ ๓ สี. ยุ. โกฏิสิมฺพลิ ฯ ๔ ม. ภกฺขิตฺวา ฯ
#๕ ม. อชฺฌารูหาภิวฑฺฒนฺติ ฯ สี. ยุ. อชฺฌารูฬฺหาภิวฑุฒนฺติ ฯ
อนาคตภยา ธีโร อุโภ โลเก อเวกฺขตีติ ฯ
โกฏสิมฺพลิชาตกํ สตฺตมํ ฯ
____________
๘ ธูมการิชาตกํ

[๑๐๙๓] ราชา อปุจฺฉิ วิธูรํ ธมฺมกาโม ยุธิฏฺฐิโล
อปิ พฺราหฺมณ ชานาสิ โก เอโก พหุ โสจติ ฯ

[๑๐๙๔] พฺราหฺมโณ อชยูเถน พหุเตนฺโท ๑ วเน วสํ
ธูมํ อกาสิ วาเสฏฺโฐ รตฺตินฺทิวมตนฺทิโต ฯ

[๑๐๙๕] ตสฺส ตํธูมคนฺเธน สรภา มกสทฺทิตา ๒
วสฺสาวาสํ อุปคจฺฉฉ ธูมการิสฺส สนฺติเก ฯ

[๑๐๙๖] สรเภสุ มนํ กตฺวา อชา โส นาวพุชฺฌถ
อาคจฺฉนฺติ วชนฺติ วา ตสฺส ตา วินสุํ ๓ อชา ฯ