[๑๐๗๗] กนฺทิเตน หเว พฺรหฺเม มโต เปโต สมุฏฺฐเห
สพฺเพ สงฺคมฺม โรทาม อญฺญมญฺญสฺส ญาตเก ฯ

[๑๐๗๘] อาทิตฺตํ วต มํ สนฺตํ ฆตสิตฺตํว ปาวกํ
วารินา วิย โอสิญฺจิ ๑ สพฺพํ นิพฺพาปเย ทรํ ฯ
อพฺพูฬฺหํ ๒ วต เม สลฺลํ ยมาสิ หทยสฺสิตํ
โย เม โสกปเรตสฺส ปุตฺตโสกํ อปานุทิ ฯ
โสหํ อพฺพูฬฺหสลฺโลสฺมิ วีตโสโก อนาวิโล
น โสจามิ น โรทามิ ตว สุตฺวาน วาสวาติ ฯ
โสมทตฺตชาตกํ ปญฺจมํ ฯ
___________
๖ สุสีมชาตกํ

[๑๐๗๙] กาฬานิ เกสานิ ปุเร อเหสุํ
ชาตานิ สีสมฺหิ ยถาปเทเส
ตานิชฺช ๓ เสตานิ สุสีม ทิสฺวา
ธมฺมํ จร พฺรหฺมจริยสฺส กาโล ฯ

[๑๐๘๐] มเมว เทว ปลิตํ น ตุยฺหํ
มเมว สีสํ มม อุตฺตมงฺคํ
#๑ ม. โอสิญฺจํ ฯ ๒ ม. อพฺพหี ฯ ๓ ม. ตานชฺช ฯ
อตฺถํ กริสฺสนฺติ มุสา อภาณึ
เอกาปราธํ ขมถ ๑ ราชเสฏฺฐ ฯ

[๑๐๘๑] ทหโร ตฺวํ ทสฺสนีโยสิ ราช
ปฐมุคฺคโต โหสิ ยถา กลีโร
รชฺชญฺจ กาเรหิ มมญฺจ ปสฺส
มา กาลิกํ อนุธาวิ ชนินฺท ฯ

[๑๐๘๒] ปสฺสามิ โวหํ ทหรึ กุมารึ
สามฏฺฐปสฺสํ สุตนน สุมชฺฌํ
กาลปฺปลฺลวาว ๒ ปเวลฺลมานา
ปโลภยนฺตีว ๓ นเรสุ คจฺฉติ ฯ

[๑๐๘๓] ตเมน ปสฺสามิ ปเรน นารึ
อาสีติกํ นาวุติกญฺจ ชจฺจา
ทณฺฑํ คเหตฺวาน ปเวธมานํ
โคปาณสีภคฺคสมํ จรนฺตํ ๔ ฯ

[๑๐๘๔] โสหํ ตเมวานุวิจินฺตยนฺโต
เอโก สยามิ สยนสฺส มชฺเฌ
อหมฺปิ เอวํ อิติ เปกฺขมาโน
เคเห น รเม ๕ พฺรหฺมจริยสฺส กาโล ฯ

[๑๐๘๕] รชฺชุ วาลมฺพนี เจสา ยา เคเห วสโต รติ
#๑ ม. ขม ฯ ๒ สี. กาลาปวาลาว ฯ ม. กาลปฺปวาฬาว ฯ ๓ ยุ. สา โลภยนฺตีว ฯ
#๔ ม. โคปานสีโภคฺคสมํ จรนฺตึ ฯ ๕ ม. น คเห รเม ฯ
เอตํปิ เฉตฺวาน วชนฺติ ธีรา
อนเปกฺขิโน กามสุขํ ปหายาติ ฯ
สุสีมชาตกํ ฉฏฺฐํ ฯ
___________
๗ โกฏสิมฺพลิชาตกํ

[๑๐๘๖] อหํ ทสสตพฺยามํ อุรคมาทาย อาคโต
ตญฺจ มญฺจ มหากายํ ธารยํ นปฺปเวธสิ ฯ