[๑๐๖๗] สา นูนาหํ มริสฺสามิ อพนฺธุ อปรายินี
#๑ สี. อนุสาสิตา เย น ภเวยฺย ปจฺฉา ฯ ๒ ม. อหํ เจ ฯ ๓ ยุ. ทฬฺหธมฺมาย ฯ
#๔ ม. ธรนฺตี ฯ ๕ สี. ยุ. น ห นูน ฯ
ตทา หิ ๑ กุมฺภการสฺส ทินฺนา ฉกณหาริกา ฯ

[๑๐๖๘] ยาวตาสึสตี โปโส ตาวเทว ปวีณติ
อตฺถาปาเย ชหนฺติ นํ โอฏฺฐิพฺยาธึว ขตฺติโย ฯ

[๑๐๖๙] โย ปุพฺเพ กตกลฺยาโณ กตตฺโถ นาวพุชฺฌติ
อตฺถา ตสฺส ปลุชฺชนฺติ เย โหนฺติ อภิปตฺถิตา ฯ

[๑๐๗๐] โย ปุพฺเพ กตกลฺยาโณ กตตฺโถ มนุพุชฺฌติ
อตฺถา ตสฺส ปวฑฺฒนฺติ เย โหนฺติ อภิปตฺถิตา ฯ

[๑๐๗๑] ตํ โว วทามิ ภทฺทํ โว ๒ ยาวนฺเตตฺถ สมาคตา
สพฺเพ กตญฺญุโน โหถ จิรํ สคฺคมฺหิ ฐสฺสถาติ ฯ
ทฬฺหธมฺมชาตกํ จตุตฺถํ ฯ
____________
๕ โสมทตฺตชาตกํ

[๑๐๗๒] โย มํ ปุเร ปจฺจุเทติ ๓ อรญฺเญ ทูรมายโต ๔
โส น ทิสฺสติ มาตงฺโค โสมทตฺโต กุหึ คโต ฯ

[๑๐๗๓] อยํ วา โส มโต เสติ อลฺลปิตํว วิจฺฉิโต ๕
ภูมฺยา นิปติโต เสติ อมรา วต กุญฺชโร ฯ

[๑๐๗๔] อนคาริยุเปตสฺส วิปฺปมุตฺตสฺส เต สโต
สมณสฺส น ตํ สาธุ ยํ เปตมนุโสจติ ฯ

[๑๐๗๕] สํวาเสน หเว สกฺก มนุสฺสสฺส มิคสฺส วา
#๑ ยุ. ตถาหิ ฯ ๒ ม. ภทฺทนฺเต ฯ ๓ ม. ปจฺจุฑฺเฑติ ฯ ๔ สี. ทูรมาคโต ฯ
#๕ ม. อลฺลสิงฺคํว วจฺฉิโต ฯ สี. ยุ. อลฺลปึกํว ฉิชฺชิโต ฯ
หทเย ชายตี เปมํ น ตํ สกฺกา อโสจิตุํ ฯ

[๑๐๗๖] มตํ มริสฺสํ โรทนฺติ เย รุทนฺติ ลปนฺติ จ
ตสฺมา ตฺวํ อิสิ มา โรทิ โรทิตํ โมฆมาหุ สนฺโต ฯ