[๑๐๓๗] อนนฺตทสฺสี ภควาหมสฺมิ
ชาติชฺชรํ โสกมุปาติวตฺโต
กึ เม ปุราณํ วตสีลวตฺตํ
อาจิกฺข เมตํ ยมหํ วิชญฺญํ ฯ

[๑๐๓๘] ยํ ตฺวํ อปาเยสิ พหู มนุสฺเส
ปิปาสิเต ฆมฺมนิ สมฺปเรเต
ตนฺเต ปุราณํ วตสีลวตฺตํ
สุตฺตปฺปพุทฺโธว อนุสฺสรามิ ฯ

[๑๐๓๙] ยํ เอณิกูลสฺมึ ชนตํ คหีตํ
อโมจยี คยฺหก นียมานํ
ตนฺเต ปุราณํ วตสีลวตฺตํ
สุตฺตปฺปพุทฺโธว อนุสฺสรามิ ฯ

[๑๐๔๐] คงฺคาย โสตสฺมึ คหีตนาวํ
#๑ ม. พฺรหฺมปตฺติ ฯ ๒ ม. อปฺปํ หิ เอตํ ฯ ๓ ม. สหสฺสานิ ฯ สี. ยุ. สหสฺสานํ ฯ
ลุทฺเทน นาเคน มนุสฺสกปฺปา
อโมจยี ตฺวํ พลสา ปสยฺห
ตนฺเต ปุราณํ วตสีลวตฺตํ
สุตฺตปฺปพุทฺโธว อนุสฺสรามิ ฯ

[๑๐๔๑] กปฺโป จ เต ปตฺถจโร อโหสึ ๑
สมฺพุทฺธิวนฺตํ วติตํ ๒ อมญฺญํ
ตนฺเต ปุราณํ วตสีลวตฺตํ
สุตฺตปฺปพุทฺโธว อนุสฺสรามิ ฯ

[๑๐๔๒] อทฺธา ปชานาสิ มเมตมายุํ
อญฺญํปิ ชานาสิ ตถาหิ พุทฺโธ
ตถาหิ ตายํ ชลิตานุภาโว
โอภาสยํ ติฏฺฐติ พฺรหฺมโลกนฺติ ฯ
พกพฺรหฺมชาตกํ ทสมํ ฯ
กุกฺกุวคฺโค ปฐโม ฯ
___________
ตสฺสุทฺทานํ
วรกณฺณิก จาปวโร สุตโน
อถ คิชฺฌ สโรหิตมจฺฉวโร
ปุน ทสณฺณก ๓ เสนก ยาจนโก
อถ เวรี สพฺรหฺมพเกน ทส ฯ
#๑ ม. พทฺธจโร อโหสิ ฯ ๒ ม. สมฺพุทฺธิมนฺตํ วตินํ ฯ ๓ ม. ปณฺณก ฯ
๒ คนฺธารวคฺโค
๑ คนฺธารชาตกํ

[๑๐๔๓] หิตฺวา คามสหสฺสานิ ปริปุณฺณานิ โสฬส
โกฏฺฐาคารานิ ผีตานิ สนฺนิธินฺทานิ กุพฺพสิ ฯ

[๑๐๔๔] หิตฺวา คนฺธารวิสยํ ปหูตธนปานิยํ ๑
ปสาสนิโต ๒ นิกฺขนฺโต อิธทานิ ปสาสสิ ฯ

[๑๐๔๕] ธมฺมํ ภณามิ เวเทห อธมฺโม เม น รุจฺจติ
ธมฺมํ เม ภณมานสฺส น ปาปมุปลิมฺปติ ฯ

[๑๐๔๖] เยนเกนจิ วณฺเณน ปโร ลภติ รุปฺปนํ
มหตฺถิยมฺปิ เจ วาจํ น ตํ ภาเสยฺย ปณฺฑิโต ฯ