[๙๘๗] มเมว ๖ สุตนํ ๗ อตฺโถ ยถา ภาสสิ มาณว
มยา ตฺวํ สมนุญฺญาโต โสตฺถึ ปสฺสาหิ มาตรํ ฯ

[๙๘๘] ขคฺคํ ฉตฺตญฺจ ปาติญฺจ คจฺเฉวาทาย ๘ มาณว
โสตฺถึ ปสฺสตุ เต มาตา ตฺวญฺจ ปสฺสาหิ มาตรํ ฯ

[๙๘๙] เอวํ ยกฺข สุขี โหหิ สห สพฺเพหิ ญาติภิ
ธนญฺจ เม อธิคตํ รญฺโญ จ วจนํ กตนฺติ ฯ
สุตนชาตกํ ตติยํ ฯ
__________
๔ มาตุโปสกคิชฺฌชาตกํ

[๙๙๐] เต กถนฺนุ กริสฺสนฺติ วุฑฺฒา คิริทรีสยา
อหํ พนฺโธสฺมิ ๙ ปาเสน นิลิยสฺส วสํ คโต ฯ

[๙๙๑] กึ คิชฺฌ ปริเทเวสิ กา นุ เต ปริเวทนา
#๑ ม. ภิกฺขา จ ฯ ๒ สี. ม. มรณสญฺญิโน ฯ ๓ ม. ลทฺธาย ยกฺขา ฯ
#๔ ม. รสสา อุเปตํ ฯ ๕ ม. เหหิติ ภิกฺขิเต ฯ ๖ สี. ยุ. มเมส ฯ
#๗ ม. สุตโน ฯ ๘ ม. คจฺฉมาทาย ฯ ๙ ม. พทฺโธสฺมิ ฯ
นเม สุโต วา ทิฏฺโฐ วา ภาสนฺโต มานุสึ ทิโช ฯ

[๙๙๒] ภรามิ มาตาปิตโร วุฑฺเฒ คิริทรีสเย
เต กถนฺนุ กริสฺสนฺติ อหํ วสํ คโต ตว ฯ

[๙๙๓] ยนฺนุ คิชฺโฌ โยชนสตํ กุณปานิ อเวกฺขติ
กสฺมา ชาลญฺจปาสญฺจ อาสชฺชาปิ น พุชฺฌสิ ฯ

[๙๙๔] ยทา ปราภโว โหติ โปโส ชีวิตสงฺขเย
อถ ชาลญฺจ ปาสญฺจ อาสชฺชาปิ น พุชฺฌติ ฯ

[๙๙๕] ภรสฺสุ มาตาปิตโร วุฑฺเฒ คิริทรีสเย
มยา ตฺวํ สมนุญฺญาโต โสตฺถึ ปสฺสาหิ ญาตเก ฯ

[๙๙๖] เอวํ ลุทฺทก นนฺทสฺสุ สห สพฺเพหิ ญาติภิ
ภริสฺสํ มาตาปิตโร วุฑฺเฒ คิริทรีสเยติ ฯ
มาตุโปสกคิชฺฌชาตกํ จตุตฺถํ ฯ
___________
๕ ทพฺพปุปฺผชาตกํ ๑