[๙๗๗] หนฺททานิ วนนฺตานิ ปกฺกมามิ ยถาสุขํ
เนตาทิสา สขา โหนฺติ ลพฺภา เม ชีวโต สขา ฯ

[๙๗๘] น ปาปชนสํเสวี อจฺจนฺตํ สุขเมธติ
#๑ ม. ส ผาติ ฯ ๒ ม. อคฺคินิกาสิผาลิมํ ฯ ๓ ม. นิกูชติ ฯ
มโนชํ ปสฺส เสมานํ คิริยสฺสานุสาสนี ๑ ฯ

[๙๗๙] น ปาปสมฺปวงฺเกน มาตา ปุตฺเตน นนฺทติ
มโนชํ ปสฺส เสมานํ อจฺฉนฺนํ สมฺหิ โลหิเต ฯ

[๙๘๐] เอวมาปชฺชเต โปโส ปาปิโย จ นิคจฺฉติ
โย เว หิตาน วจนํ น กโรติ อตฺถทสฺสินํ ฯ

[๙๘๑] เอวญฺจ โส โหติ ตโตว ๒ ปาปิโย
โย อุตฺตโม อธมชนูปเสวี
ปสฺสุตฺตมํ อธมชนูปเสวึ ๓
มิคาธิปํ สรวรเวคนิทฺธุตํ ฯ

[๙๘๒] นิหียติ ปุริโส นิหีนเสวี
น จ หาเยถ กทาจิ ตุลฺยเสวี
เสฏฺฐมุปคมญฺจ อุเทติ ขิปฺปํ
ตสฺมา อตฺตโน อุตฺตรํ ๔ ภเชถาติ ฯ
มโนชชาตกํ ทุติยํ ฯ
___________
๓ สุตนชาตกํ ๕

[๙๘๓] ราชา เต ภตฺตํ ปาเหสิ สุจึ มํสูปเสจนํ
มฆเทวสฺมึ อธิวตฺเถ เอหิ นิกฺขมฺม ภุญฺชสฺสุ ฯ

[๙๘๔] เอหิ มาณว โอโรหิ ๖ ภิกฺขมาทาย สูปิตํ
#๑ สี. ยุ. … อริยสฺสานุสาสนี ฯ ๒ ม. ตโต จ ฯ ๓ ม. อธมชนูปเสวิตํ ฯ
#๔ ม. ตสฺมาตฺตโน อุตฺตริตรํ ฯ ๕ ม. สุตนุชาตกํ ฯ ๖ สี. ม. โอเรน ฯ
ตฺวญฺจ มาณว ภกฺโขสิ ๑ อุโภ ภกฺขา ภวิสฺสถ ฯ

[๙๘๕] อปฺปเกน ตุวํ ยกฺข ถุลฺลมตฺถํ ชหิสฺสสิ
ภิกฺขนฺเต นาหริสฺสนฺติ ชนา มรณสงฺกิโน ๒ ฯ

[๙๘๖] ลทฺธายํ ยกฺข ๓ ตว นิจฺจภิกฺขํ
สุจึ ปณีตํ รสสาธุเปตํ ๔
ภิกฺขญฺจ เต อาหริโย นโร อิธ
สุทุลฺลโภ โหหิติ ขาทิเต ๕ มยิ ฯ