[๙๕๗] ปณีตํ ภุญฺชเส ภตฺตํ สปฺปิเตลญฺจ มาตุล
อถ เกน นุ วณฺเณน กีโส ๕ ตฺวมสิ วายส ฯ

[๙๕๘] อมิตฺตมชฺเฌ วสโต เตสุ อามิสเมสโต
นิจฺจํ อุพฺพิคฺคหทยสฺส กุโต กากสฺส ทฬฺหิยํ ฯ

[๙๕๙] นิจฺจํ อุพฺพิคฺคิโน ๖ กากา ธงฺกา ปาเปน กมฺมุนา
#๑ ม. สุคฺคตี ฯ ๒ สี. ยุ. สุวสฺส ฯ ๓ ม. อุญฺญสฺส วา วนิพฺพโน ฯ
#๔ ม. ทตฺวาว เสสํ ฯ ๕ ม. กิโส ฯ ๖ สี. อุพฺเพธิโน ฯ ม. อุพฺเพคิโน ฯ
ลทฺโธ ปิณฺโฑ น ปีเณติ กีโส เตนสฺมิ วฏฺฏก ฯ

[๙๖๐] ลูขานิ ติณวีชานิ อปฺปเสฺนหานิ ภุญฺชสิ
อถ เกน นุ วณฺเณน ถูโล ตฺวมสิ วฏฺฏก ฯ

[๙๖๑] อปฺปิจฺฉา อปฺปจินฺตาย อวิทูรคเมน ๑ จ
ลทฺธาลทฺเธน ยาเปนฺโต ถูโล เตนสฺมิ วายส ฯ

[๙๖๒] อปฺปิจฺฉสฺส หิ โปสสฺส อปฺปจินฺติสุขสฺส ๒ จ
สุสงฺคหิตปฺปมาณสฺส ๓ วุตฺตี สุสมุทานิยาติ ฯ
วฏฺฏกชาตกํ นวมํ ฯ
___________
๑๐ มณิชาตกํ ๔

[๙๖๓] จิรสฺสํ วต ปสฺสามิ สหายํ มณิธารินํ
สุกตา ๕ มสฺสุกุตฺติยา โสภเต วต เม สขา ฯ

[๙๖๔] ปรูฬฺหกจฺฉนขโลโม อหํ กมฺเม สุพฺยาวโฏ
จิรสฺสํ นหาปิตํ ลทฺธา โลมนฺตมชฺชหารยิ ๖ ฯ

[๙๖๕] ยํ นุ โลมํ อหาเรสิ ทุลฺลภํ ลทฺธกปฺปกํ
อถ กิญฺจิ หิ เต สมฺม กณฺเฐ กึนิกิลายติ ๗ ฯ

[๙๖๖] มนุสฺสสุขุมาลานํ มณิ กณฺเฐสุ ลมฺพติ
#๑ ม. อทูรคมเนน จ ฯ ๒ ม. อปฺปจินฺตสุขสฺส จ ฯ ๓ ม. สุสงฺคหิตมานสฺส ฯ
#๔ สี. ยุ. กากชาตกํ ฯ ม. ปาราวตชาตกํ ฯ ๕ สี. ยุ. สุกตาย ฯ
#๖ ม. โลมํ ตํ อชฺช หารยึ ฯ ๗ สี. ม. อถ กิญฺจรหิ เต สมฺม กณฺเฐ กิณิกิณายติ ฯ
เตสาหํ อนุสิกฺขามิ มา ตฺวํ มญฺญิ ทวา กตํ ฯ