[๙๔๗] อากิณฺณลุทฺโธ ปุริโส ธาติโจลํว ๓ มกฺขิโต
ตสฺมึ เม วจนํ นตฺถิ ตญฺจารหามิ วตฺตเว ๔ ฯ

[๙๔๘] อนงฺคณสฺส โปสสฺส นิจฺจํ สุจิคเวสิโน
วาลคฺคมตฺตปาปสฺส ๕ อพฺภามตฺตํว ขายติ ฯ

[๙๔๙] อทฺธา มํ ยกฺข ชานาสิ อโถ มํ อนุกมฺปสิ
ปุนปิ ยกฺข วชฺชาสิ ยทา ปสฺสสิ เอทิสํ ฯ

[๙๕๐] เนว ตํ อุปชีวามิ นปิ เต ภติกมฺหเส ๖
ตฺวเมว ภิกฺขุ ชาเนยฺย เยน คจฺเฉยฺย สุคฺคตินฺติ ฯ
อุปสิงฺฆปุปฺผชาตกํ สตฺตมํ ฯ
_______________
๘ วิฆาสาทชาตกํ

[๙๕๑] สุสุขํ วต ชีวนฺติ เย ชนา วิฆาสาทิโน
#๑ ม. สิงฺฆปุปฺผชาตกํ ฯ สี. ยุ. ภิสปุปฺผชาตกํ ฯ ๒ ยุ. ยเมกํ ฯ ๓ ม.
#ธาติเจลํว ฯ ๔ สี. วณฺณเว ฯ ๕ ม. วาลคฺคมตฺตํ ปาปสฺส ฯ
#๖ ม. ภตกามฺหเส ฯ สี. ยุ. ภตกมฺหเส ฯ
ทิฏฺเฐว ธมฺเม ปาสํสา สมฺปราเย จ สุคฺคติ ๑ ฯ

[๙๕๒] สุกสฺส ๒ ภาสมานสฺส น นิสาเมถ ปณฺฑิตา
อิทํ สุณาถ โสทริยา อเมฺหวายํ ปสํสติ ฯ

[๙๕๓] นาหํ ตุเมฺห ปสํสามิ กุณปาทา สุณาถ เม
อุจฺฉิฏฺฐโภชิโน ตุเมฺห น ตุเมฺห วิฆาสาทิโน

[๙๕๔] สตฺตวสฺสา ปพฺพชิตา มชฺฌรญฺเญ สิขณฺฑิโน
วิฆาเสเนว ยาเปนฺตา มยํ เจ โภโต คารยฺหา
เก นุ โภโต ปสํสิยา ฯ

[๙๕๕] ตุเมฺห สีหานํ พฺยคฺฆานํ วาฬานญฺจาวสิฏฺฐกํ
อุจฺฉิฏฺเฐเนว ยาเปนฺตา มญฺญิโวฺห วิฆาสาทิโน ฯ

[๙๕๖] เย พฺราหฺมณสฺส สมณสฺส อญฺญสฺส จ วณิพฺพิโน ๓
ทตฺวาวเสสํ ๔ ภุญฺชนฺติ เต ชนา วิฆาสาทิโนติ ฯ
วิฆาสาทชาตกํ อฏฺฐมํ ฯ
____________
๙ วฏฺฏกชาตกํ