[๙๓๗] ทุพฺพณฺณรูปํ ตฺวมริยวณฺณี
ปุรกฺขิตฺวา ๕ ปญฺชลิโก นมสฺสสิ
เสยฺโย นุ เต โส อุทาหุ ๖ สริกฺโข
นามํ ปรสฺสตฺตโน จาปิ พฺรูหิ ฯ

[๙๓๘] น นามโคตฺตํ คณฺหนฺติ ราช
สมคฺคตานุชฺชุคตาน ๗ เทวา
อหญฺจ เต นามเธยฺยํ วทามิ
สกฺโกหมสฺมี ติทสานมินฺโท ฯ

[๙๓๙] โย ทิสฺวา ภิกฺขุํ จรณูปปนฺนํ
ปุรกฺขิตฺวา ๕ ปญฺชลิโก นมสฺสติ
ปุจฺฉามิ ตํ เทวราเชตมตฺถํ
#๑ ม. อนุโภติ ฯ ๒ ม. เยว ฯ ๓ สี. ยุ. สคฺเค จ โมทตีติ ฯ
#๔ ม. วิชฺชาธรชาตกํ ฯ สี. ยุ. ธชวิเหฐกชาตกํ ฯ ๕ ม. ปุรกฺขตฺวา ฯ
#๖ ม. อุทา ฯ ๗ ม. สมฺมคฺคตา.. ฯ
อิโต จุโต กึ ลภเต สุขํ โส ฯ

[๙๔๐] โย ทิสฺวา ภิกฺขุํ จรณูปปนฺนํ
ปุรกฺขิตฺวา ปญฺชลิโก นมสฺสติ
ทิฏฺเฐว ธมฺเม ลภเต ปสํสํ
สคฺคญฺจ โส ยาติ สรีรเภทา ฯ

[๙๔๑] ลกฺขี วต เม อุทปาทิ อชฺช
ยํ วาสวํ ภูติปติทฺทสาม ๑
ภิกฺขุญฺจ ทิสฺวาน ตุวญฺจ สกฺก
กาหามิ ปุญฺญานิ อนปฺปกานิ ฯ

[๙๔๒] อทฺธา หเว เสวิตพฺพา สปญฺญา
พหุสฺสุตา เย พหุฐานจินฺติโน
ภิกฺขุญฺจ ทิสฺวาน มมญฺจ ราช
กโรหิ ปุญฺญานิ อนปฺปกานิ ฯ

[๙๔๓] อกฺโกธโน นิจฺจปสนฺนจิตฺโต
สพฺพาติถียาจโยโค ภวิตฺวา
นิหญฺญ ๒ มานํ อภิวาทยิสฺสํ
สุตฺวาน เทวินฺท สุภาสิตานีติ ฯ
ปพฺพชิตวิเหฐกชาตกํ ฉฏฺฐํ ฯ
_______________
#๑ ม. ภูตปติทฺทสาม ฯ ๒ ม. นิหจฺจ ฯ
๗ อุปสิงฺฆปุปฺผชาตกํ ๑

[๙๔๔] ยเมตํ ๒ วาริชํ ปุปฺผํ อทินฺนํ อุปสิงฺฆสิ
เอกงฺคเมตํ เถยฺยานํ คนฺธเถโนสิ มาริส ฯ

[๙๔๕] น หรามิ น ภญฺชามิ อารา สิงฺฆามิ วาริชํ
อถ เกน นุ วณฺเณน คนฺธเถโนติ วุจฺจติ ฯ

[๙๔๖] โยยํ ภิสานิ ขณติ ปุณฺฑรีกานิ ภญฺชติ
เอวํ อากิณฺณกมฺมนฺโต กสฺมา เอโส น วุจฺจติ