[๙๒๗] มมญฺจ ทิสฺวาน ปวฑฺฒกายํ
สพฺโพ ชโน หึสิตุเมวมิจฺเฉ
สาทุญฺจ ถูลญฺจ มุทุญฺจ มํสํ
กากาปิ มํ ทิสฺวาน ๔ วิเหฐเยยฺยุํ ฯ

[๙๒๘] สเจ ตสฺส เหตุมฺห อุโภ คหีตา
อุฏฺฐาตุ โปโส วิสมาวมามิ ๕
มมญฺจ กากญฺจ ปมุญฺจ ขิปฺปํ
#๑ ม. คเหสฺสสิ ฯ ๒ ม. กณฺหสปฺปํ ฯ ๓ ม. คเหตฺวาน ทกาย ฯ ๔ สี. ยุ. ทิสฺวา ฯ
#๕ สี. ยุ. วิสมาจมานิ ฯ
ปุเร วิสํ คาฬฺหมุเปติ มจฺจํ ฯ

[๙๒๙] สปฺปํ ปโมกฺขามิ น ตาว กากํ
ปฏิพทฺธโก ๑ โหติ ๒ หิ ตาว กาโก
ปุริสญฺจ ทิสฺวาน สุขึ อโรคํ
กากํ ปโมกฺขามิ ยเถว สปฺปํ ฯ

[๙๓๐] กาโก * ตทา เทวทตฺโต อโหสิ
วารโณ ๓ ปน กณฺหสปฺโป อโหสิ
อานนฺทภโทฺร กกฺกฏโก อโหสิ
อหํ ตทา พฺราหฺมโณ โหมิ สตฺถาติ ๔ ฯ
สุวณฺณกกฺกฏกชาตกํ จตุตฺถํ ฯ
___________
๕ มยฺหกสกุณชาตกํ ๕

[๙๓๑] สกุโณ มยฺหโก นาม คิริสานุทรีจโร
ปกฺกํ ปิปฺผลิมารุยฺห มยฺหํ มยฺหนฺติ กนฺทติ ฯ

[๙๓๒] ตสฺเสวํ วิลปนฺตสฺส ทิชสงฺฆา สมาคตา
ภุตฺวาน ปิปฺผลึ ยนฺติ วิลปเตว ๖ โส ทิโช ฯ

[๙๓๓] เอวเมว อิเธกจฺโจ สงฺฆริตฺวา พหุํ ธนํ
เนวตฺตโน น ญาตีนํ ยโถธึ ปฏิปชฺชติ ฯ

[๙๓๔] น โส อจฺฉาทนํ ภตฺตํ น มาลํ น วิเลปนํ
#๑ ม. ปฏิพนฺธโก ฯ ๒ ม. โหหิติ ฯ * สี. กาโก ฯเปฯ สตฺถาติ อิเม ปาฐา นตฺถิ ฯ
#๓ ม. มาโร ฯ ๔ สี. ยุ. ตตฺถาติ ฯ ๕ ม. มยฺหกชาตกํ ฯ ๖ ม. วิลปเตฺวว ฯ
นานุโภติ ๑ สกึ กิญฺจิ น สงฺคณฺหาติ ญาตเก ฯ

[๙๓๕] ตสฺเสวํ วิลปนฺตสฺส มยฺหํ มยฺหนฺติ รกฺขโต
ราชาโน อถวา โจรา ทายาทา เย จ ๒ อปฺปิยา
ธนมาทาย คจฺฉนฺติ วิลปเตว โส นโร ฯ

[๙๓๖] ธีโร โภเค อธิคมฺม สงฺคณฺหาติ จ ญาตเก
เตน โส กิตฺตึ ปปฺโปติ เปจฺจ สคฺเค ปโมทตีติ ๓ ฯ
มยฺหกสกุณชาตกํ ปญฺจมํ ฯ
___________
๖ ปพฺพชิตวิเหฐกชาตกํ ๔