[๙๑๗] นวจฺฉทฺทเก ๔ ทานิ ทิยฺยติ
ปุณฺณายํ โทณิ สุวามินี ฐิตา
พหุโก ชโน ปาสปาณิโก ๕
โน จ โข เม ปฏิภาติ ภุญฺชิตุํ ฯ

[๙๑๘] ตสสิ ภมสิ เลณมิจฺฉสิ
อตาโณสิ กุหึ คมิสฺสสิ
อปฺโปสฺสุโก ภุญฺช ตุณฺฑิล
มํสตฺถาย [๖] โปสิยามเส ๗ ฯ

[๙๑๙] โอคห รหทํ อกทฺทมํ
สพฺพํ เสทมลํ ปวาหย
คณฺหาหิ นวํ วิเลปนํ
#๑ ม. สูจี ฯ ๒ ม. อาจริยาว ชานนฺติ ฯ ๓ ม. อิมญฺเจ ฯ ๔ นวฉนฺนเก ฯ
#๕ สี. ม. พหุเก ชเน ปาสปาณิเก ฯ ๖ ม. หิ ฯ ๗ ม. โปสิตามฺหเส ฯ
ยสฺส คนฺโธ น กทาจิ ฉิชฺชติ ฯ

[๙๒๐] กตโม นุ รหโท อกทฺทโม
กึสุ เสทมลนฺติ วุจฺจติ
กตมญฺจ นวํ วิเลปนํ
กสฺส ๑ คนฺโธ น กทาจิ ฉิชฺชติ ฯ

[๙๒๑] ธมฺโม รหโท อกทฺทโม
ปาปํ เสทมลนฺติ วุจฺจติ
สีลญฺจ นวํ วิเลปนํ
ตสฺส คนฺโธ น กทาจิ ฉิชฺชติ ฯ

[๙๒๒] นนฺทนฺติ สรีรฆาติโน
น จ นนฺทนฺติ สรีรธาริโน
ปุณฺณาย [๒] ปุณฺณมาสิยา
รมมานาว ชหนฺติ ชีวิตนฺติ ฯ
ตุณฺฑิลชาตกํ ตติยํ ฯ
__________
๔ สุวณฺณกกฺกฏกชาตกํ

[๙๒๓] สิงฺคี มิโค อายตจกฺขุเนตฺโต
อฏฺฐิตฺตโจ วาริสโย อโลโม
เตนาภิภูโต กปณํ รุทามิ
หเร สขา กิสฺส นุ มํ ชหาสิ ฯ
#๑ ม. ยสฺส ฯ ๒ ม. จ ฯ

[๙๒๔] โส อสฺสสนฺโต มหตา ผเณน
ภุชงฺคโม กกฺกฏกชฺฌปตฺโต
สขา สขารํ ปริตายมาโน
ภุชงฺคมํ กกฺกฏโก อคฺคเหสิ ๑ ฯ

[๙๒๕] น วายสํ โน ปน สปฺปราชํ ๒
ฆาสตฺถิโก กกฺกฏโก อเทยฺย
ปุจฺฉามิ ตํ อายตจกฺขุเนตฺต
อถ กิสฺส เหตุมฺห อุโภ คหีตา ฯ

[๙๒๖] อยํ ปุริโส มม อตฺถกาโม
โย มํ คเหตฺวา อุทกาย ๓ เนติ
ตสฺมึ มเต ทุกฺขมนปฺปกํ เม
อหญฺจ เอโส จ อุโภ น โหม ฯ