[๙๐๗] อปรํปิ สมฺม เต พาลฺยํ โย มุตฺโต น ปลายสิ
โส จ พาลตโร สมฺม ยํ ตฺวํ วหสิ เสนกํ ฯ

[๙๐๘] ยนฺนุ สมฺม อหํ พาโล อชราช วิชานหิ
#๑ ม. สทรีมุข เนรุ ลตา จ ปุน ฯ ๒ ม. ขรปุตฺต … ฯ ๓ ม. วสฺตํ ฯ สี. ยุ. ภสฺตํ ฯ
#๔ ม. ตฺวํ โขปิ ฯ ยุ. ตฺวญฺจ โข ฯ ๕ ม. รชฺชุยา หิ ฯ
อถ เกน เสนโก พาโล ตํ เม อกฺขาหิ ปุจฺฉิโต ฯ

[๙๐๙] อุตฺตมตฺถํ ลภิตฺวาน ภริยาย ๑ โย ปทสฺสติ
เตน ชหิสฺสตตฺตานํ สา เจวสฺส น เหสฺสติ ฯ

[๙๑๐] น ปิยมฺเมติ ๒ ชนินฺท ตาทิโส
อตฺตํ นิรงฺกตฺว ปิยานิ เสวติ
อตฺตาว เสยฺโย ปรมาว ๓ เสยฺโย
ลพฺภา ปิยา โอจิตตฺเตน ๔ ปจฺฉาติ ฯ
ขุรปุตฺตชาตกํ ปฐมํ ฯ
____________
๒ สูจิชาตกํ

[๙๑๑] อกกฺกสํ อผรุสํ ขรโธตํ สุปาสิยํ
สุขุมํ ติขิณคฺคญฺจ โก สูจึ เกตุมิจฺฉติ ฯ

[๙๑๒] สุมชฺชญฺจ สุปาสญฺจ อนุปุพฺพสุวตฺติตํ ๕
ฆนฆาติมํ ปฏิตฺถทฺธํ โก สูจึ เกตุมิจฺฉติ ฯ

[๙๑๓] อิโตทานิ ปตายนฺติ สูจิโย พลิสานิ จ
โกยํ กมฺมารคามสฺมึ สูจึ วิกฺเกตุมิจฺฉติ ฯ

[๙๑๔] อิโต สตฺถานิ คจฺฉนฺติ กมฺมนฺตา วิวิธา ปุถู
โกยํ กมฺมารคามสฺมึ สูจึ วิกฺเกตุมรหติ ๖ ฯ
#๑ ยุ. ภริยา ฯ ๒ ม. นเว ปิยมฺเมติ ฯ ๓ ม. ปรมา จ ฯ ๔ ม. โอจิตตฺเถน ฯ
#๕ สี. อนุปุพฺพํ สุวฑฺฒิตํ ฯ ม. อนุปุพฺพํ สุวฏฺฏิตํ ฯ ๖ ม. วิกฺเกตุมิจฺฉติ ฯ

[๙๑๕] สูจิ ๑ กมฺมารคามสฺมึ วิกฺเกตพฺพา ปชานตา
อาจริยา ปชานนฺติ ๒ กมฺมํ สุกตทุกฺกฏํ ฯ

[๙๑๖] อิมญฺจ ๓ เต ปิตา ภทฺเท สูจึ ชญฺญา มยา กตํ
ตยา จ มํ นิมนฺเตยฺย ยญฺจตฺถญฺญํ ฆเร ธนนฺติ ฯ
สูจิชาตกํ ทุติยํ ฯ
____________
๓ ตุณฺฑิลชาตกํ