[๘๙๗] * วาจาย สขิโล โหติ มโนปวิทุคฺโค สิยา
ปฏิจฺฉนฺโน กูปสฺสโย กณฺหสปฺโปว ธมฺมทฺธโช
คามนิคมาสุ สาธุ สมฺมโต ทุชฺชาโน อยํ
#๑ ม. ภทฺทํ โว ฯ ๒ ม. ยุ. โปตญฺจ ฯ * สี. ม. เอวํ ทิสฺสติ
# วาจาย สขิโล มโนวิทุคฺโค
# ฉนฺโน กุปสฺสโยว กณฺหสปฺโป
# ธมฺมทฺธโช คามนิคมาสุ สาธุ
# ทุชฺชาโน ปุริเสน พาลิเสน ฯ
ปุริเสน พาลิเสน * ฯ

[๘๙๘] อิมํ ตุณฺเฑหิ ปกฺเขหิ ปาทา จิมํ วิเหฐถ ๑
ฉวํ หิมํ วินาเสถ นายํ สํวาสนารโหติ ฯ
ธมฺมทฺธชชาตกํ นวมํ ฯ
____________
๑๐ นนฺทิยมิคราชชาตกํ

[๘๙๙] สเจ พฺราหฺมณ คจฺฉสิ ๒ สาเกตํ อญฺชนํ ๓ วนํ
วชฺชาสิ นนฺทิยํ นาม ปุตฺตํ อสฺมากโมรสํ
มาตาปิตา จ เต วุฑฺฒา เต ตํ อิจฺฉนฺติ ปสฺสิตุํ ฯ

[๙๐๐] ภุตฺตา มยา นิวาปานิ ราชิโน ปานโภชนํ
ตํ ราชปิณฺฑํ อวโภตฺตุํ นาหํ พฺราหฺมณมุสฺสเห ฯ

[๙๐๑] โอทหิสฺสามหํ ปสฺสํ ขุรปฺปานิสฺส ๔ ราชิโน
ตทาหํ สุขิโต มุตฺโต อปิ ปสฺเสยฺย มาตรํ ฯ

[๙๐๒] มิคราชา ปุเร อาสึ โกสลสฺส นิเกตเว ๕
นนฺทิโย นาม นาเมน อภิรูโป จตุปฺปโท ฯ

[๙๐๓] ตํ มํ วธิตุมาคจฺฉิ ทายสฺมึ อญฺชนาวเน ๖
ธนน อารชฺชํ กตฺวาน อุสุํ สนฺธาย ๗ โกสโล ฯ

[๙๐๔] ตสฺสาหํ โอทหึ ปสฺสํ ขุรปฺปานิสฺส ราชิโน
#๑ ม. วิโปถุํ ฯ ๒ ม. คจฺเฉสิ ฯ ๓ ม. สาเกเต อชฺชุนํ ฯ ๔ สี. ขุรปฺปาณิสฺส ฯ
#ยุ. ขุรปาณิสฺส ฯ ๕ ม. นิเกตเน ฯ ๖ ม. อชฺชุเน วเน ฯ ๗ ม. สนฺนยฺห ฯ
ตทาหํ สุขิโต มุตฺโต มาตรํ ทฏฺฐุมาคโตติ ฯ
นนฺทิยมิคราชชาตกํ ทสมํ ฯ
อาวาริยวคฺโค ปฐโม ฯ
____________
ตสฺสุทฺทานํ
อถ กุชฺฌรเถสภ เกตุวโร
ทรีมุข สเนรุตา จ ปุน ๑
อปนนฺท สิรี จ สุจิตฺตวโร
อถ ธมฺมิก นนฺทิมิเคน ทส ฯ
____________
๒ ขุรปุตฺตวคฺโค ๒
๑ ขุรปุตฺตชาตกํ ๒

[๙๐๕] สจฺจํ กิเรวมาหํสุ กลกํ ๓ พาโลติ ปณฺฑิตา
ปสฺส พาโล รโหกมฺมํ อาวิกุพฺพํ น พุชฺฌติ ฯ

[๙๐๖] ตฺวํ นุ โข ๔ สมฺม พาโลสิ ขุรปุตฺต วิชานหิ
รชฺชุยาหิ ๕ ปริกฺขิตฺโต วงฺโกฏฺโฐ โอหิโตมุโข ฯ