[๘๘๗] จตุปฺปที ตฺวํ กลฺยาณิ ทฺวิปทาหํ มโนรเม
มิคี ปกฺขี อสํยุตฺตา ๒ อญฺญํ ปริเยส สามิกํ ฯ

[๘๘๘] โกมาริกา เต เหสฺสามิ มญฺชุกา ปิยภาณินี
วินฺท มํ อริเยน เวเทน กลฺยาณึ พฺรหฺมจารินึ ๓ ฯ

[๘๘๙] กุณปาทิ ๔ โลหิตเป โจริ กุกฺกุฏโปถินิ
น ตฺวํ อริเยน เวเทน มมํ ภตฺตารมิจฺฉสิ ฯ

[๘๙๐] เอวมฺปิจาตุรา ๕ นารี ทิสฺวาน ปวรํ ๖ นรํ
เนนฺติ สณฺหาหิ วาจาหิ วิฬารี วิย กุกฺกุฏํ ฯ

[๘๙๑] โย จ อุปฺปติตํ อตฺถํ น ขิปฺปมนุพุชฺฌติ
อมิตฺตวสมเนฺวติ ปจฺฉา จ อนุตปฺปติ ฯ

[๘๙๒] โย จ อุปฺปติตํ อตฺถํ ขิปฺปเมว นิโพธติ
#๑ ม. สุจิตฺตปตฺตฉทน ฯ ๒ ม. อสญฺญุตฺตา ฯ ๓ สี. ม. สาวย มํ ยทิจฺฉสิ ฯ
#๔ สี. สกุณขาทินิ ฯ ม. กุณปาทินิ ฯ ๕ ม. เอวมฺปิ จตุรา ฯ ๖ สี. ม. สธนํ ฯ
มุจฺจเต สตฺตุสมฺพาธา กุกฺกุโฏว วิฬาริยาติ ฯ
กุกฺกุฏชาตกํ อฏฺฐมํ ฯ
___________
๙ ธมฺมทฺธชชาตกํ

[๘๙๓] ธมฺมํ จรถ ญาตโย ธมฺมํ จรถ ภทฺท โว ๑
ธมฺมจารี สุขํ เสติ อสฺมึ โลเก ปรมฺหิ จ ฯ

[๘๙๔] ภทฺทโก วตายํ ปกฺขี ทิโช ปรมธมฺมิโก
เอกปาเทน ติฏฺฐนฺโต ธมฺมเมวานุสาสติ ฯ

[๘๙๕] นาสฺส สีลํ วิชานาถ อนญฺญาย ปสํสถ
ภุตฺวา อณฺฑญฺจ ฉาเป จ ๒ ธมฺโม ธมฺโมติ ภาสติ ฯ

[๘๙๖] อญฺญํ ภณติ วาจาย อญฺญํ กาเยน กุพฺพติ
วาจาย โน จ กาเยน น ตํ ธมฺมํ อธิฏฺฐิโต ฯ