[๘๕๗] อาสึสเถว ๖ โส ปกฺขี อาสึสเถว โส ทิโช
ตสฺเสวาสา สมิชฺฌตฺถ ๗ ตาว ทูรคตา สติ
อาสึเสว ตุวํ ราช อาสา ผลวตี สุขา ฯ

[๘๕๘] สมฺเปสิ โข มํ วาจาย น จ สมฺเปสิ กมฺมุนา
#๑ ม. เนรูติ ฯ ๒ ม. วสตึ วเส ฯ ยุ. วส ทิวเส ฯ ๓ ม. นเร ฯ ๔ ม. ทูรผลํ สตึ ฯ
#๕ ม. อาสีเสว ฯ ๖ ม. อาสีสเถว ฯ เอวมุปริปิ ฯ ๗ ม. ตสฺส จาสา สมิชฺฌติ ฯ
มาลา เสเรยฺยกสฺเสว วณฺณวนฺตา อคนฺธิกา ฯ

[๘๕๙] อผลํ มธุรํ วาจํ โย มิตฺเตสุ ปกุพฺพติ
อททํ อวิสฺสชํ โภคํ สนฺธิ เตนสฺส ชีรติ ฯ

[๘๖๐] ยํ หิ กยิรา ตํ หิ วเท ยํ น กยิรา น ตํ วเท
อกโรนฺตํ ภาสมานํ ปริชานนฺติ ปณฺฑิตา ฯ

[๘๖๑] พลญฺจ วต เม ขีณํ ปาเถยฺยญฺจ น วิชฺชติ
สงฺเก ปาณูปโรธาย หนฺททานิ วชามหํ ฯ

[๘๖๒] เอตเทว หิ เม นามํ ยํ นามสฺมึ รเถสภ
อาคเมหิ มหาราช ปิตรํ อามนฺตยามหนฺติ ฯ
อาสงฺกชาตกํ ปญฺจมํ ฯ
___________
๖ มิคาโลปชาตกํ

[๘๖๓] น เม รุจิ ๑ มิคาโลป ยสฺส เต ตาทิสี คติ
อตุจฺจํ ตาต คจฺฉสิ ๒ อภูมึ ตาต เสวสิ ฯ

[๘๖๔] จตุกฺกณฺณํว เกทารํ ยถา เต ปฐวี สิยา
ตโต ตาต นิวตฺตสฺสุ มาสุ เอตฺโต ปรํ คมิ ฯ

[๘๖๕] สนฺติ อญฺเญปิ สกุณา ปตฺตยานา วิหงฺคมา
อุกฺขิตฺตา ๓ วาตเวเคน นฏฺฐา เต สสฺสตีสมา ฯ

[๘๖๖] อกตฺวา อปรณฺณสฺส ๔ ปิตุ วุฑฺฒสฺส ๕ สาสนํ
#๑ ม. รุจฺจิ ฯ ๒ สี. ม. ปตสิ ฯ ๓ สี. ม. อกฺขิตฺตา ฯ ๔ ม. อปนนฺทสฺส ฯ
#๕ ม. วุทฺธสฺส ฯ เอวมุปริปิ ฯ
กาลวาเต อติกฺกมฺม เวรมฺภานํ วสํ อคา ฯ