[๘๔๗] มิเฬฺหน ๑ ลิตฺตา รุหิเรน มกฺขิตา
เสเมฺหน ลิตฺตา อุปนิกฺขมนฺติ
ยํ ยํ หิ กาเยน ผุสนฺติ ตาวเท
สพฺพํ อสาตํ ทุกฺขเมว เกวลํ ฯ

[๘๔๘] ทิสฺวา วทามิ น หิ อญฺญโต สวํ
ปุพฺเพนิวาสํ พหุกํ สรามิ
จิตฺราหิ คาถาหิ สุภาสิตาหิ
ทรีมุโข นิชฺฌาปยี สุเมธนฺติ ฯ
ทรีมุขชาตกํ ตติยํ ฯ
___________
๔ เนรุชาตกํ

[๘๔๙] กาโกลา กากสงฺฆา จ มยญฺจ ปตตํ วรา
สพฺเพว สทิสา โหม อิมํ อาคมฺม ปพฺพตํ ฯ

[๘๕๐] อิธ สีหา จ พฺยคฺฆา จ สกุณา ๒ จ มิคาธมา
#๑ ม. มีเฬฺหน ฯ ๒ สี. ม. สิงฺคาลา ฯ
สพฺเพว สทิสา โหนฺติ อยํ โก นาม ปพฺพโต ฯ

[๘๕๑] อิมํ เนรุนฺติ ๑ ชานนฺติ มนุสฺสา ปพฺพตุตฺตมํ
อิธ วณฺเณน สมฺปนฺนา วสนฺติ สพฺพปาณิโน ฯ

[๘๕๒] อมานนา ยตฺถ สิยา สนฺตานํ วา วิมานนา
หีนสมฺมานนา วาปิ น ตตฺถ วสตี ๒ วเส ฯ

[๘๕๓] ยตฺถ อลโส จ ทกฺโข จ สูโร ภีรุ จ ปูชิยา
น ตตฺถ สนฺโต วสนฺติ อวิเสสกเร นเค ๓ ฯ

[๘๕๔] นายํ เนรุ วิภชติ หีนอุกฺกฏฺฐมชฺฌิเม
อวิเสสกโร เนรุ หนฺท เนรุํ ชหามเสติ ฯ
เนรุชาตกํ จตุตฺถํ ฯ
___________
๕ อาสงฺกชาตกํ

[๘๕๕] อาสาวตี นาม ลตา ชาตา จิตฺตลตาวเน
ตสฺสา วสฺสสหสฺเสน เอกํ นิพฺพตฺตเต ผลํ ฯ

[๘๕๖] ตํ เทวา ปยิรุปาสนฺติ ตาว ทูรผเล สติ ๔
อาสึเสว ๕ ตุวํ ราช อาสา ผลวตี สุขา ฯ