[๘๓๗] มา ตาต กุชฺฌิ น หิ สาธุ โกโธ
พหุมฺปิ เต อทิฏฺฐํ อสฺสุตญฺจ
มาตาปิตา ทิสา ๑ ตาต เสตเกตุ
อาจริยมาหุ ทิสตํ ปสตฺถา ฯ

[๘๓๘] อคาริโน อนฺนปานวตฺถทา ๒
อวฺหายิกา ตมฺปิ ทิสํ วทนฺติ
เอสา ทิสา ปรมา เสตเกตุ
ยํ ปตฺวา ทุกฺขี สุขิโน ภวนฺติ ฯ

[๘๓๙] ขราชินา ชฏิลา ปงฺกทนฺตา
ทุมุกฺขรูปา ๓ เยเม ชปนฺติ มนฺเต
กจฺจิ นุ เต มานุสเก ปโยเค
อิทํ วิทู ปริมุตฺตา อปายา ฯ

[๘๔๐] ปาปานิ กมฺมานิ กริตฺวา ๔ ราช
พหุสฺสุโต เนว ๕ จเรยฺย ธมฺมํ
สหสฺสเวโทปิ น ตํ ปฏิจฺจ
ทุกฺขา ปมุญฺเจ จรณํ อปตฺวา ฯ

[๘๔๑] สหสฺสเวโทปิ น ตํ ปฏิจฺจ
ทุกฺขา ปมุญฺเจ จรณํ อปตฺวา
#๑ ม. ทิสตา ฯ ยุ. ทิสา ตา ฯ ๒ ม. อนฺนทปานวตฺถทา ฯ ๓ ม. ทุมฺมกฺขรูปา ฯ
# ยุ. ทุมฺมุกฺขรูป ฯ ๔ ม. กริตฺวาน ฯ ๕ ม. น ฯ
มญฺญามิ เวทา อผลา ภวนฺติ
สสํยมํ จรณญฺเญว ๑ สจฺจํ ฯ

[๘๔๒] น เหว เวทา อผลา ภวนฺติ
สสํยมํ จรณญฺเญว ๑ สจฺจํ
กิตฺติญฺจ ๒ ปปฺโปติ อธิจฺจ เวเท
สนฺตึ ปุเณติ ๓ จรเณน ทนฺโตติ ฯ
เสตเกตุชาตกํ ทุติยํ ฯ
___________
๓ ทรีมุขชาตกํ

[๘๔๓] ปงฺโก จ กามา ปลิโป จ กามา
ภยญฺจ เมตํ ติมูลํ ปวุตฺตํ
รโช จ ธูโม จ มยา ปกาสิตา
หิตฺวา ตุวํ ปพฺพช พฺรหฺมทตฺต ฯ

[๘๔๔] คธิโต ๔ จ รตฺโต จ อธิมุจฺฉิโต จ
กาเมสฺวาหํ ๕ พฺราหฺมณ ภึสรูปํ
ตํ นุสฺสเห ชีวิกตฺโถ ปหาตุํ
กาหามิ ปุญฺญานิ อนปฺปกานิ ฯ

[๘๔๕] โย อตฺถกามสฺส หิตานุกมฺปิโน
โอวชฺชมาโน น กโรติ สาสนํ
อิทเมว เสยฺโย อิติ มญฺญมาโน
#๑ ม. จรณเมว ฯ ๒ ม. กิตฺตึ หิ ฯ ๓ สี. ยุ. สนฺตํ ปุเนติ ฯ
#๔ สี. คถิโต ฯ ๕ ม. กาเมสฺวหํ ฯ
ปุนปฺปุนํ คพฺภมุเปติ มนฺโท ฯ

[๘๔๖] โส โฆรรูปํ นิรยํ อุเปติ
สุภาสุภํ มุตฺตกรีสปูรํ
สตฺตา สกาเย น ชหนฺติ คิทฺธา
เย โหนฺติ กาเมสุ อวีตราคา ฯ