[๘๑๗] สพฺพํ สุตมธีเยถ หีนมุกฺกฏฺฐมชฺฌิมํ
สพฺพสฺส อตฺถํ ชาเนยฺย น จ สพฺพํ ปโยชเย
โหติ ตาทิสโก กาโล ยตฺถ อตฺถาวหํ สุตนฺติ ฯ
มูสิกชาตกํ ตติยํ ฯ
___________
๔ จุลฺลธนุคฺคหชาตกํ

[๘๑๘] สพฺพํ ภณฺฑํ สมาทาย ปารํ ติณฺโณสิ พฺราหฺมณ
ปจฺจาคจฺฉ ลหุํ ขิปฺปํ มมฺปิ ตาเรหิทานิ โภ ๔ ฯ

[๘๑๙] อสนฺถุตํ มํ จิรสนฺถุเตน
นิมินิ ๕ โภตี อธุวํ ๖ ธุเวน
มยาปิ โภตี นิมิเนยฺย อญฺญํ
อิโต อหํ ทูรตรํ คมิสฺสํ ฯ

[๘๒๐] กายํ เอฬคณิคุมฺเพ ๗ กโรติ อหุหาสิยํ
นยิธ นจฺจํ วา คีตํ วา ตาลํ วา สุสมาหิตํ
อนมฺหิกาเล ๘ สุสฺโสณิ กินฺนุ ชคฺฆสิ โสภเน ฯ

[๘๒๑] สิคาล พาล ทุมฺเมธ อปฺปปญฺโญสิ ชมฺพุก
#๑ ยุ. ทีฆเมตํ ฯ ๒ ม. สมาสชฺช ฯ ๓ ม. นางฺคปุตฺตปิเนน วา ฯ ๔ สี. ม. ทานิโต ฯ
#๕ ม. นิมีนิ ฯ ๖ ม. อทฺธุวํ ฯ ๗ สี. ม. เอลคลาคุมฺเพ ฯ ๘ ยุ. อนมฺหกาเล ฯ
ชินฺโน ๑ มจฺฉญฺจ เปสิญฺจ กปโณ วิย ฌายสิ ฯ

[๘๒๒] สุทสฺสํ วชฺชมญฺเญสํ อตฺตโน ปน ทุทฺทสํ
ชินฺนา ปติญฺจ ชารญฺจ มมฺปิ ตฺวญฺเญว ๒ ฌายสิ ฯ

[๘๒๓] เอวเมตํ มิคราช ยถา ภาสสิ ชมฺพุก
สา นูนาหํ อิโต คนฺตฺวา ภตฺตุ เหสฺสํ วสานุคา ฯ

[๘๒๔] โย หเร มตฺติกํ ถาลํ กํสถาลมฺปิ โส หเร
กตํเยว ๓ ตยา ปาปํ ปุนเปวํ กริสฺสสีติ ฯ
จุลฺลธนุคฺคหชาตกํ จตุตฺถํ ฯ
___________
๕ กโปตกชาตกํ

[๘๒๕] อิทานิ โขมฺหิ สุขิโต อโรโค
นิกฺกณฺฏโก นิปฺปติโต กโปโต
กาหามิทานิ หทยสฺส ตุฏฺฐึ
ตถาหิ มํ มํสสากํ พเลติ ฯ

[๘๒๖] กายํ พลากา สิขินี โจรี ลงฺฆีปิตามหา
โอรํ พลาเก อาคจฺฉ จณฺโฑ เม วายโส สขา ฯ