[๗๙๗] อุปริ วิสาลา ทุปฺปูรา ๒ อิจฺฉาวิสทคามินี ๓
#๑ ม. อฏฺฐาปิหิ จ ฯ ๒ สี. อุปริ วิสาลํ ทุปฺปูรํ ฯ ๓ ม. อิจฺฉาวิสฏคามินี ฯ
เย จ ตํ อนุคิชฺฌนฺติ เต โหนฺติ จกฺกธาริโนติ ฯ
มิตฺตวินฺทุกชาตกํ นวมํ ฯ
___________
๑๐ ปลาสชาตกํ

[๗๙๘] หํโส ปลาสมวจ นิโคฺรโธ สมฺม ชายติ
องฺกสฺมึ เต นิสินฺโนว โส เต มมฺมานิ เฉชฺชติ ๑ ฯ

[๗๙๙] วฑฺฒตาเมว นิโคฺรโธ ปติฏฺฐสฺส ภวามหํ
ยถา ปิตา จ มาตา จ เอวเมโส ๒ ภวิสฺสติ ฯ

[๘๐๐] ยํ ตฺวํ องฺกสฺมึ วฑฺเฒสิ ขีรรุกฺขํ ภยานกํ
อามนฺต โข ตํ คจฺฉาม วุฑฺฒิมสฺส น รุจฺจติ ฯ

[๘๐๑] อิทานิ โข มํ ภายติ ๓ มหาเนรุนิทสฺสนํ
หํสสฺส อนภิญฺญาย มหา เม ภยมาคตํ ฯ

[๘๐๒] น ตสฺส วุฑฺฒิ กุสลปฺปสตฺถา
โย วฑฺฒมาโน ฆสเต ปติฏฺฐํ
ตสฺสูปโรธํ ปริสงฺกมาโน
ปตารยี มูลวธาย ธีโรติ ฯ
ปลาสชาตกํ ทสมํ ฯ
วณฺณาโรหวคฺโค ทุติโย ๔ ฯ
_______________
#๑ ม. เฉจฺฉติ ฯ ๒ ม. เอวํ เม โส ฯ ๓ ม. ภาเยติ ฯ ๔ อิธ ตสฺสุทฺทานํ
#ตติยวคฺคาวสาเน สโมหิตํ ฯ
๓ อฑฺฒวคฺโค
๑ ทีฆีติโกสลชาตกํ

[๘๐๓] เอวํ ภูตสฺส เต ราช อาคตสฺส วเส ๑ มม
อตฺถิ นุ โกจิ ปริยาโย โย ตํ ทุกฺขา ปโมจเย ฯ

[๘๐๔] เอวมฺภูตสฺส เม ตาต อาคตสฺส วเส ตว
นตฺถิ โน โกจิ ปริยาโย โย มํ ทุกฺขา ปโมจเย ฯ

[๘๐๕] นาญฺญํ สุจริตํ ราช นาญฺญํ ราช สุภาสิตํ
ตายเต มรณกาเล เอวเมวิตรํ ธนํ ฯ

[๘๐๖] อกฺโกจฺฉิ มํ อวธิ มํ อชินิ มํ อหาสิ เม
เย จ ตํ อุปนยฺหนฺติ เวรํ เตสํ น สมฺมติ
อกฺโกจฺฉิ มํ อวธิ มํ อชินิ มํ อหาสิ เม
เย จ ตํ นูปนยฺหนฺติ เวรํ เตสูปสมฺมติ ฯ