[๗๔๗] เอวํ ลุทฺทก นนฺทสฺสุ สห สพฺเพหิ ญาติภิ
#๑ ม. เฉเทหิ ฯ ๒ ม. หริปาท ฯ ๓ ม. มหามิค ฯ ๔ ม. วารตฺติกํ ฯ
#๕ ม. วารตฺติโก ฯ
ยถาหมชฺช นนฺทามิ มุตฺตํ ทิสฺวา มหามิคนฺติ ฯ
สุวณฺณมิคชาตกํ นวมํ ฯ
___________
๑๐ สุสนฺธีชาตกํ ๑

[๗๔๘] วาติ คนฺโธ ติมิรานํ กุสมุทฺโทว ๒ โฆสวา
ทูเร อิโต หิ สุสนฺธี ๓ ตมฺพ กามา ตุทนฺติ มํ ฯ

[๗๔๙] กถํ สมุทฺทมตริ กถํ อทฺทกฺขิ เสรุมํ ๔
กถํ ตสฺสา จ ตุยฺหญฺจ อหุ อคฺค ๕ สมาคโม ฯ

[๗๕๐] ภรุกจฺฉา ๖ ปยาตานํ วาณิชานํ ธเนสินํว
มงฺกเรหิ ภิทา นาวา ผลเกน มหณฺณวํ ๗ ฯ

[๗๕๑] สา มํ สเณฺหน มุทุนา นิจฺจํ จนฺทนคนฺธินี
องฺเคน ๘ อุทฺธรี ภทฺทา มาตา ปุตฺตํว โอรสํ ฯ

[๗๕๒] สา มํ อนฺเนน ปาเนน วตฺเถน สยเนน จ
อตฺตนาปิ จ มนฺทกฺขี เอวํ ตมฺพ วิชานหีติ ฯ
สุสนฺธีชาตกํ ทสมํ ฯ
มณิกุณฺฑลวคฺโค ปฐโม ฯ
___________
ตสฺสุทฺทานํ
อถ ชินวโร หริตํ ติณโก ฯ
#๑ ม. สุโยนนฺทีชาตกํ ฯ ๒ ม. จ ฯ ๓ ม. สุโยนนฺธี ฯ ๔ ม. สทุมํ ฯ
#๕ ม. สคฺค ฯ ๖ ม. กุรุกจฺฉา ฯ ๗ สี. มกเรหิพฺภิทา … ฯ ม. มกเรหิ อภิทา นาวา
# ผลเกนาหมปฺลวึ ฯ ยุ. มกเรหิ ภินฺนา … ฯ ๘ สี. ยุ. องฺเกน ฯ
อถ ภินฺนลิโว อุรโคว ฆโฏ
ทริยา ปุน กุญฺชร ภูนหตา
มิค ปุตฺตมสคฺควเรน ทส ฯ
__________
๒ วณฺณาโรหวคฺโค
๑ วณฺณาโรหชาตกํ

[๗๕๓] วณฺณาโรเหน ชาติยา พลนิกฺกมเนน จ
สุพาหุ น มยา เสยฺโย สุทาโฐ ๑ อิติ ภาสสิ ฯ

[๗๕๔] วณฺณาโรเหน ชาติยา พลนิกฺกมเนน จ
สุทาโฐ น มยา เสยฺโย สุพาหุ อิติ ภาสสิ ฯ

[๗๕๕] เอวญฺเจ มํ วิหรนฺตํ สุพาหุ สมฺม ทุพฺภสิ
นทานาหํ ตยา สทฺธึ สํวาสมภิโรจเย ฯ

[๗๕๖] โย ปเรสํ วจนานิ สทฺทเหถ ๒ ยถาตถํ
ขิปฺปํ ภิชฺเชถ มิตฺตสฺมึ เวรญฺจ ปสเว พหุํ ฯ