[๗๓๗] อหเมว ทูสิยา ภูนหตา รญฺโญ มหาปตาปสฺส
เอตํ มุญฺจตุ ธมฺมปาลํ หตฺเถ เม เทว เฉทหิ ๒ ฯ

[๗๓๘] อหเมว ทูสิยา ภูนหตา รญฺโญ มหาปตาปสฺส
เอตํ มุญฺจตุ ธมฺมปาลํ ปาเท เม เทว เฉทหิ ๒ ฯ

[๗๓๙] อหเมว ทูสิยา ภูนหตา รญฺโญ มหาปตาปสฺส
#๑ ม. ปโปถเยยฺยํ ฯ ๒ ม. เฉเทหิ ฯ
เอตํ มุญฺจตุ ธมฺมปาลํ สีสํ เม เทว เฉทหิ ๑ ฯ

[๗๔๐] นห นูนิมสฺส รญฺโญ มิตฺตามจฺจา จ วิชฺชเร
สุหทา เย น วทนฺติ ราชานํ มา ฆาตยิ โอรสํ ปุตฺตํ ฯ

[๗๔๑] นห นูนิมสฺส รญฺโญ มิตฺตา ญาตี จ วิชฺชเร
สุหทา เย น วทนฺติ ราชานํ มา ฆาตยิ อตฺรชํ ปุตฺตํ ฯ

[๗๔๒] จนฺทนสารานุลิตฺตา พาหา ฉิชฺชนฺติ ธมฺมปาลสฺส
ทายาทสฺส ปฐพฺยา ปาณา เม เทว รุชฺฌนฺตีติ ฯ
จุลฺลธมฺมปาลชาตกํ อฏฺฐมํ ฯ
____________
๙ สุวณฺณมิคชาตกํ

[๗๔๓] วิกฺกม เร มหามิค ๒ วิกฺกม เร หรีปท ๓
ฉินฺท วรตฺติกํ ๔ ปาสํ นาหํ เอกา วเน รเม ฯ

[๗๔๔] วิกฺกมามิ น ปาเรมิ ภูมึ สุมฺภามิ เวคสา
ทโฬฺห วรตฺติโก ๕ ปาโส ปาทํ เม ปริกนฺตติ ฯ

[๗๔๕] อตฺถรสฺสุ ปลาสานิ อสึ นิพฺพาห ลุทฺทก
ปฐมํ มํ วธิตฺวาน หน ปจฺฉา มหามิคํ ฯ

[๗๔๖] น เม สุตํ วา ทิฏฺฐํ วา ภาสนฺตึ มานุสึ มิคึ
ตฺวญฺจ ภทฺเท สุขี โหหิ เอโส จาปิ มหามิโค ฯ