[๗๒๗] เอโก อรญฺเญ คิริกนฺทรายํ
ปคฺคยฺห มหนฺตเสลํ ปเวชฺฌสิ ๓
ปุนปฺปุนํ สนฺตรมานรูโป
การนฺทิย ๔ โกนุ ตวยิธตฺโถ ฯ

[๗๒๘] อหญฺหิมํ สาครเสวิตนฺตํ
สมํ กริสฺสามิ ยถาปิ ปาณึ ๕
วิกีริย สานูนิ จ ปพฺพตานิ [๖]
ตสฺมา เสลํ กนฺทรายํ ๗ ปกฺขิปามิ ฯ

[๗๒๙] นยิมํ มหึ อรหติ ปาณิกปฺปํ
สมํ มนุสฺโส กรณายเมโก
มญฺญามิ มญฺเญว ทรึ ชิคึสํ ๘
#๑ สี. น มํ ตํ อาคมิสฺสติ ฯ ๒ ม. โกรณฺฑิยชาตกํ ฯ ๓ ม. ปคฺคยฺห ปคฺคยฺห
# สิลํ ปเวจฺฉสิ ฯ สี. เสลํ ฯ ๔ ม. โกรณฺฑิย ฯ ๕ ม. ปาณิ ฯ ๖ ม. จ ฯ
#๗ สี. ม. สิลํ ทริยา ฯ ๘ ม. ชิคีสํ ฯ
การนฺทิย หายสิ ๑ ชีวโลกํ ฯ

[๗๓๐] สเจ อยํ ภูตธรํ น สกฺโก ๒
สมํ มนุสฺโส กรณายเมโก
เอวเมว ตฺวํ พฺรเหฺม อิเม มนุสฺเส
นานาทิฏฺฐิเก นานยิสฺสสิ เต ฯ

[๗๓๑] สงฺขิตฺตรูเปน ภวํ มมตฺถํ
อกฺขาสิ การนฺทิย ๓ เอวเมตํ
ยถา น สกฺกา ปฐวี สมายํ
กาตุํ ๔ มนุสฺเสน ตถา มนุสฺสาติ ฯ
การนฺทิยชาตกํ ฉฏฺฐํ ฯ
___________
๗ ลฏุกิกชาตกํ

[๗๓๒] วนฺทามิ ตํ กุญฺชรํ ๕ สฏฺฐิหายนํ
อารญฺญกํ ยูถปตึ ยสสฺสึ
ปกฺเขหิ ตํ ปญฺชลิกํ กโรมิ
มา เม วธิ ปุตฺตเก ทุพฺพลาย ฯ

[๗๓๓] วนฺทามิ ตํ กุญฺชรํ ๕ เอกจารึ
อารญฺญกํ ปพฺพตสานุโคจรํ
ปกฺเขหิ ตํ ปญฺชลิกํ กโรมิ
#๑ ม. โกรณฺฑิย หาหสิ ฯ ๒ ม. สเจ อหํ ภูตธรํ น สกฺกา ฯ ๓ ม. โกรณฺฑิย ฯ
#๔ ม. กตฺตุํ ฯ ๕ ม. กุณฺชร ฯ
มา เม วธิ ปุตฺตเก ทุพฺพลาย ฯ

[๗๓๔] วธิสฺสามิ เต ลฏุกิเก ปุตฺตกานิ
กึ เม ตฺวํ กาหสิ ทุพฺพลาสิ
สตสหสฺสานิปิ ตาทิสีนํ
วาเมน ปาเทน ปปฺโปถเยยฺยํ ๑ ฯ

[๗๓๕] นเหว สพฺพตฺถ พเลน กิจฺจํ
พลํ หิ พาลสฺส วธาย โหติ
กริสฺสามิ เต นาคราช อนตฺถํ
โย เม วธิ ปุตฺตเก ทุพฺพลาย ฯ

[๗๓๖] กากญฺจ ปสฺส ลฏุกิกํ มณฺฑูกํ นีลมกฺขิกํ
เอเต นาคํ อฆาเตสุํ ปสฺส เวรสฺส เวรินํ
ตสฺมา หิ เวรํ น กยิราถ อปฺปิเยนปิ เกนจีติ ฯ
ลฏุกิกชาตกํ สตฺตมํ ฯ
__________
๘ จุลฺลธมฺมปาลชาตกํ