[๗๐๗] กินฺนุ สนฺตรมาโนว ลายิตฺวา หริตํ ติณํ
ขาท ขาทาติ ลปสิ คตสนฺตํ ชรคฺควํ
นหิ อนฺเนน ปาเนน มโต โคโณ สมุฏฺฐเห
ตฺวญฺจ ตุจฺฉํ วิลปสิ ยถาตํ ทุมฺมตี ตถา ฯ

[๗๐๘] ตเถว ติฏฺฐติ สีสํ หตฺถปาทา จ วาลธิ
โสตา ตเถว ติฏฺฐนฺติ มญฺเญ โคโณ สมุฏฺฐเห
เนวยฺยกสฺส สีสํ วา ๓ หตฺถปาทาว ๔ ทิสฺสเร
รุทํ มตฺติกถูปสฺมึ นนุ ตฺวญฺเญว ทุมฺมติ ฯ

[๗๐๙] อาทิตฺตํ วต มํ สนฺตํ ฆตสิตฺตํว ปาวกํ
วารินา วิย โอสิญฺจํ สพฺพํ นิพฺพาปเย ทรํ
อพฺพูฬฺหํ ๕ วต เม สลฺลํ โสกํ หทยนิสฺสิตํ ๖
#๑ ม. ราช ฯ ๒ ม. กิตฺติ ฯ ๓ ม. สีสญฺจ ฯ ๔ ม. จ ฯ ๕ ม. อพฺพหี ฯ
#๖ สี. ม. ยมาสิ หทยสฺสิตํ ฯ
โย เม โสกปเรตสฺส ปิตุโสกํ อปานุทิ ฯ

[๗๑๐] โสหํ อพฺพูฬฺหสลฺโลสฺมิ วีตโสโก อนาวิโล
น โสจามิ น โรทามิ ตว สุตฺวาน มาณว ฯ

[๗๑๑] เอวํ กโรนฺติ สปฺปญฺญา เย โหนฺติ อนุกมฺปกา
วินิวตฺเตนฺติ โสกมฺหา สุชาโต ปิตรํ ยถาติ ฯ
สุชาตชาตกํ ทุติยํ ฯ
__________
๓ เวนสาขชาตกํ ๑

[๗๑๒] นยิทํ นิจฺจํ ภวิตพฺพํ พฺรหฺมทตฺต
เขมํ สุภิกฺขํ สุขตา ๒ จ กาเย
อตฺถจฺจเย มา อหุ สมฺปมูโฬฺห
ภินฺนปฺลโว สาครสฺเสว มชฺเฌ ฯ

[๗๑๓] ยานิ กโรติ ปุริโส ตานิ อตฺตนิ ปสฺสติ
กลฺยาณการี กลฺยาณํ ปาปการี จ ปาปกํ
ยาทิสํ วปเต พีชํ ตาทิสํ รุหเต ๓ ผลํ ฯ

[๗๑๔] อิทํ ตทาจริยวโจ ปาราจริโย ๔ ยทพฺรวิ
มาสฺสุ ๕ ตฺวํ อกริ ปาปํ ยนฺตํ ๖ ปจฺฉา กตํ ตเป ฯ

[๗๑๕] อยเมว โส ปิงฺคิโย ๗ เวนสาโข ๘
#๑ สี. ยุ. โธนสาขชาตกํ ฯ ๒ สี. สุหตา ฯ ๓ สี. ม. หรเต ฯ ๔ สี. ม. ปาราสริโย ฯ
#๕ ม. มาสุ ฯ ๖ ม. ยํ ตฺวํ ฯ ๗ ม. ปิงฺคิย ฯ ๘ สี. ยุ. โธนสาโข ฯ
ยมฺหิ ฆาตยึ ขตฺติยานํ สหสฺสํ
อลงฺกเต จนฺทนสารลิตฺเต ๑
ตเมว ทุกฺขํ ปจฺจาคตํ มมํ ฯ

[๗๑๖] สามาปิ โข จนฺทนลิตฺตคตฺตี ๒
สิงฺคูว ๓ โสภญฺชนกสฺส อุคฺคตา
อทิสฺวา กาลํ กริสฺสามิ อุพฺพรึ
ตํ เม อิโต ทุกฺขตรํ ภวิสฺสตีติ ฯ
เวนสาขชาตกํ ตติยํ ฯ
___________
๔ อุรคชาตกํ