[๖๙๗] เต ชนา สุขเมธนฺติ นรา สคฺคคตาริว
เย วาจํ สนฺธิเภทสฺส นาวโพธนฺติ สารถีติ ฯ
สนฺธิเภทชาตกํ นวมํ ฯ
___________
๑๐ เทวตาปญฺหชาตกํ

[๖๙๘] หนฺติ หตฺเถหิ ปาเทหิ มุขญฺจ ปริสุมฺภติ
สเว ราช ปิโย โหติ กนฺเตน ตฺวาภิปสฺสสิ ๒ ฯ

[๖๙๙] อกฺโกสติ ยถากามํ อาคมญฺจสฺส เนจฺฉติ ๓
สเว ราช ปิโย โหติ กนฺเตน ตฺวาภิปสฺสสิ ๒ ฯ

[๗๐๐] อพฺภกฺขาติ อภูเตน อลิเกนาภิสารเย
#๑ สี. ยุ. ยยิมํ ฯ ๒ สี. … มภิปสฺสสิ ฯ ๓ ม. อิจฺฉติ ฯ
สเว ราช ปิโย โหติ กนฺเตน ตฺวาภิปสฺสสิ ฯ

[๗๐๑] หรํ อนฺนญฺจ ปานญฺจ วตฺถเสนาสนานิ จ
(อญฺญทตฺถุํ ๑ หรา สนฺตา)
เตเว ราช ปิยา โหนฺติ กนฺเตน ตฺวาภิปสฺสสีติ ฯ
เทวตาปญฺหชาตกํ ทสมํ ฯ
จุลฺลกุณาลวคฺโค ปญฺจโม ฯ
___________
ตสฺสุทฺทานํ
นรานํ อสกฺขิ วสิมฺหวโร
นิลิยมคฺคิวรญฺจ ปุน
ปุน รสายสกูฏวโร
ตถารญฺญ สารถิ หนฺติ ทส ฯ
___________
ตตฺร วคฺคุทฺทานํ ภวติ ฯ
วิวรํ ๒ ปุจิมนฺทญฺจ กุฏิทูสํ พหุภาณกํ ๓
จุลฺลกุณาลวคฺโค โส ปญฺจโม สุปฺปกาสิโตติ ฯ
จตุกฺกนิปาตํ นิฏฺฐิตํ ฯ
___________
#๑ ม. อญฺญทตฺถุ ฯ ๒ ม กาลิงฺค … ฯ ๓ ม. กุฏิทูสก โกกิลา ฯ
ปญฺจกนิปาตชาตกํ
๑ มณิกุณฺฑลวคฺโค
๑ มณิกุณฺฑลชาตกํ

[๗๐๒] ชินฺโน รฏฺฐสฺสมณิกุณฺฑเล จ ๑
ปุตฺเต จ ทาเร จ ตเถว ชินฺโน ๒
สพฺเพสุ โภเคสุ อเสสเกสุ ๓
กสฺมา น สนฺตปฺปสิ โสกกาเล ฯ

[๗๐๓] ปุพฺเพว มจฺจํ วิชหนฺติ โภคา
มจฺโจ วา เต ๔ ปุพฺพตรํ ชหาติ
อสสฺสตา โภคิโน กามกามิ
ตสฺมา น โสจามหํ โสกกาเล ฯ

[๗๐๔] อุเทติ ปูเรติ ขียติ ๕ จนฺโท
อตฺถงฺคเมตฺวาน ๖ ปเลติ สูริโย
วิชิตา ๗ มยา สตฺตุก โลกธมฺมา
ตสฺมา น โสจามหํ โสกกาเล ฯ

[๗๐๕] อลโส คิหี กามโภคี น สาธุ
#๑ สี. ม. ชีโน รถสฺสํ มณิกุณฺฑเล จ ฯ ๒ ม. ชีโน ฯ ๓ สี. ยุ. อเสสิเตสุ ฯ
#๔ ยุ. จ เน ฯ ๕ สี. ม. อาปูเรติ เวติ ฯ ๖ สี. ม. อตฺถํ ตเปตฺวาน ฯ
#๗ สี. ม. วิทิตา ฯ
อสญฺญโต ปพฺพชิโต น สาธุ
ราชา น สาธุ อนิสมฺมการี
โย ปณฺฑิโต โกธโน ตํ น สาธุ ฯ

[๗๐๖] นิสมฺม ขตฺติโย กยิรา นานิสมฺม ทิสมฺปติ
นิสมฺมการิโน รญฺโญ ๑ ยโส กิตฺตี ๒ จ วฑฺฒตีติ ฯ
มณิกุณฺฑลชาตกํ ปฐมํ ฯ
___________
๒ สุชาตชาตกํ