[๖๘๗] ทูโต อหํ ราชิธ รกฺขสานํ
วธาย ตุยฺหํ ปหิโตหมสฺมิ
#๑ สี. ม. สาทูนิ ฯ ๒ สี. รุกฺขา ฯ ๓ ม. สามาอนีวารํ ฯ ๔ ม. สาทุํ วา
# ยทิวาสาทุํ ฯ ๕ ยุ. โส ฯ ๖ สี. ม. เจตยเส ฯ
อินฺโท จ ตํ รกฺขติ เทวราชา
เตนุตฺตมงฺคํ น เต ๑ ผาลยามิ ฯ

[๖๘๘] สเจ จ มํ รกฺขติ เทวราชา
เทวานมินฺโท มฆวา สุชมฺปติ
กามํ ปิสาจา วินทนฺตุ สพฺเพ
น สนฺตเส รกฺขสิยา ปชาย ฯ

[๖๘๙] กามํ กณฺฑนฺตุ ๒ กุมฺภณฺฑา สพฺเพ ปํสุปิสาจกา
นาลํ ปิสาจา ยุทฺธาย มหตี สา วิเภสิกาติ ๓ ฯ
อยกูฏชาตกํ สตฺตมํ ฯ
___________
๘ อรญฺญชาตกํ

[๖๙๐] อรญฺญา คามมาคมฺม กึสีลํ กึวตํ อหํ
ปุริสํ ตาต เสเวยฺยํ ตํ เม อกฺขาหิ ปุจฺฉิโต ฯ

[๖๙๑] โย ตํ วิสฺสาสเย ตาต วิสฺสาสญฺจ ขเมยฺย เต
สุสฺสูสี จ ติติกฺขี จ ตํ ภเชหิ อิโต คโต ฯ

[๖๙๒] ยสฺส กาเยน วาจาย มนสา นตฺถิ ทุกฺกฏํ
อุรสีว ปติฏฺฐาย ตํ ภเชหิ อิโต คโต ฯ

[๖๙๓] หลิทฺทราคํ กปิจิตฺตํ ปุริสํ ราควิราคินํ
#๑ สี. ยุ. น หิ ฯ ๒ ม. กนฺทนฺตุ ฯ ๓ สี. ยุ. วิเหสิกา ฯ ม. วิภึสิกา ฯ
ตาทิสํ ตาต มา เสวิ นิมฺมนุสฺสมฺปิ เจ สิยาติ ฯ
อรญฺญชาตกํ อฏฺฐมํ ฯ
___________
๙ สนฺธิเภทชาตกํ

[๖๙๔] เนว อิตฺถีสุ สามญฺญํ นาปิ ภกฺเขสุ สารถิ
อถสฺส สนฺธิเภทสฺส ปสฺส ยาว สุจินฺติตํ ฯ

[๖๙๕] อสิ ติกฺโขว มํสมฺหิ เปสุญฺญํ ปริวตฺตติ
ยตฺถูสภญฺจ สีหญฺจ ภกฺขยนฺติ มิคาธมา ฯ

[๖๙๖] อิมํ โส สยนํ เสติ ยมิมํ ๑ ปสฺสสิ สารถิ
โย วาจํ สนฺธิเภทสฺส ปิสุณสฺส นิโพธติ ฯ