[๖๖๗] อลเมเตหิ อมฺเพหิ ชมฺพูหิ ปนเสหิ จ
ยานิ ปารํ สมุทฺทสฺส วรํ มยฺหํ อุทุมฺพโร ฯ

[๖๖๘] โย จ อุปฺปติตํ อตฺถํ น ขิปฺปมนุพุชฺฌติ
#๑ สี. ม. มจฺจํ ฯ ๒ สี. ปาวาริกสฺส ฯ ๓ ม. อวาจรี ปฏฺฐวสานุคสฺส ฯ
#๔ ม. กํ วาปิ … ฯ ๕ ปิงฺคิยานี ฯ
อมิตฺตวสมเนฺวติ ปจฺฉา จ อนุตปฺปติ ฯ

[๖๖๙] โย จ อุปฺปติตํ อตฺถํ ขิปฺปเมว นิโพธติ
มุจฺจเต สตฺตุสมฺพาธา น จ ปจฺฉานุตปฺปตีติ ฯ
วานรชาตกํ ทุติยํ ฯ
___________
๓ กุนฺตินีชาตกํ

[๖๗๐] อวสิมฺห ตวาคาเร นิจฺจํ สกฺกตปูชิตา
ตฺวเมวทานิมกริ หนฺท ราช วชามหํ ฯ

[๖๗๑] โย เว กเต ปฏิกเต กิพฺพิเส ปฏิกิพฺพิเส
เอวนฺตํ สมฺมติ ๑ เวรํ วส กุนฺตินิ มา คมา ฯ

[๖๗๒] น กตสฺส จ กตฺตา จ มิตฺติ ๒ สนฺธิยเต ๓ ปุน
หทยํ นานุชานาติ คจฺฉญฺเญว รเถสภ ฯ

[๖๗๓] กตสฺส เจว กตฺตา จ มิตฺติ ๒ สนฺธิยเต ๓ ปุน
ธีรานํ โน จ พาลานํ วส กุนฺตินิ มา คมาติ ฯ
กุนฺตินีชาตกํ ตติยํ ฯ
___________
๔ อมฺพชาตกํ ๔

[๖๗๔] โย นิลิยํ ๕ มณฺฑยติ สณฺฑาเสน วิหญฺญติ
ตสฺส สา วสมเนฺวตุ ยา เต อมฺเพ อวาหริ ฯ

[๖๗๕] วีสํ วา ปญฺจวีสํ ๖ วา อูนตึสํว ชาติยา
#๑ ม. สมฺมตี ฯ ๒ ม. เมตฺติ ฯ ยุ. เมตฺตี ฯ ๓ ม. สนฺธียเต ฯ
#๔ อมฺพโจรชาตกํ อิติปิ ฯ ๕ ม. นีลิยํ อิติปิ ฯ ๖ สี. ยุ. ปณฺณวีสํ ฯ
ตาทิสา ปติ มา ลทฺธา ยา เต อมฺเพ อวาหริ ฯ

[๖๗๖] ทีฆํ คจฺฉตุ อทฺธานํ เอกิกา อภิสาริยา ๑
สงฺเกเต ปติ มาทฺทส ๒ ยา เต อมฺเพ อวาหริ ฯ
อลงฺกตา สุวสนา มาลินี จนฺทนุสฺสทา