[๖๕๗] ยทา จ สรสมฺปนฺโน พุทฺโธ ธมฺมํ อเทสยิ
อถ ลาโภ จ สกฺกาโร ติตฺถิยานํ อหายถาติ ฯ
พาเวรุชาตกํ นวมํ ฯ
___________
๑๐ วิสยฺหชาตกํ

[๖๕๘] อทาสิ ทานานิ ปุเร วิสยฺห
ททโต จ เต ขยธมฺโม อโหสิ
อิโต ปรญฺเจ น ทเทยฺย ทานํ
ติฏฺเฐยฺยุํ เต สํยมนฺตสฺส โภคา ฯ

[๖๕๙] อนริยมริเยน สหสฺสเนตฺต
สุทุคฺคเตนาปิ อกิจฺจมาหุ
มา โว ธนํ ตํ อหุ วา ชนินฺท ๑
ยํ โภคเหตุ วิชเหมุ สทฺธํ ฯ

[๖๖๐] เยน เอโก รโถ ยาติ ยาติ เตน ปโร ๒ รโถ
โปราณํ นิหิตํ วตฺตํ วตฺตตญฺเญว วาสว ๓ ฯ
#๑ ม. อหุ เทวราช ฯ ๒ ม. เตนาปโร ฯ ๓ สี. โปราณํ นิหิตํ วฑฺฒํ
# วฑฺฒตญฺเญว วาสว ฯ

[๖๖๑] ยทิ เหสฺสติ ทสฺสาม อสนฺเต กึ ททามฺหเส
เอวํ ภูตาปิ ทสฺสาม มา ทานํ ปมทามฺหเสติ ฯ
วิสยฺหชาตกํ ทสมํ ฯ
โกกิลวคฺโค จตุตฺโถ ฯ
___________
ตสฺสุทฺทานํ
อติเวลํ ปภาสติ ๑ ชินวโร
วนมชฺเฌ รเถสภ ชิมฺหคโม
อถ ชมฺพุ ติณาสนปีฐวรํ
อถ ตณฺฑุลํ โมร วิสยฺห ทส ฯ
___________
๕ จุลฺลกุณาลวคฺโค
๑ กุณฺฑลิกชาตกํ ๒

[๖๖๒] นรานมารามกราสุ นารีสุ
อเนกจิตฺตาสุ อนิคฺคหาสุ จ
สพฺพตฺตนา ปีติกราปิ เจ สิยุํ ๓
น วิสฺสเส ติตฺถสมา หิ นาริโย ฯ

[๖๖๓] ยญฺจ ๔ ทิสฺวา กินฺนรกินฺนรีนํ ๕
สพฺพิตฺถิโย น รมนฺติ อคาเร
#๑ ม. อติเวลปภาสติ ฯ ๒ สี. กินฺนรีชาตกํ ฯ ม. กณฺฑรีชาตกํ ฯ
#๓ ม. สพฺพตฺถ นาปีติกราปิ เจ สิยา ฯ ๔ ม. ยํ เว ฯ ๕ ม. กณฺฑรีกินฺนรานํ ฯ
ตํ ตาทิสํ สามิกํ ๑ จชิตฺวา ภริยา
อญฺญํ ทิสฺวา ปุริสํ ปีฐสปฺปึ ฯ

[๖๖๔] พกสฺส จ พาวริกสฺส ๒ รญฺโญ
อจฺจนฺตกามานุคตสฺส ภริยา
อจฺจาจรี พทฺธวสานุคสฺส ๓
กึ วา ๔ อิตฺถี นาติจเร ตทญฺญํ ฯ

[๖๖๕] ปิยงฺคานิ ๕ สพฺพโลกิสฺสรสฺส
รญฺโญ ปิยา พฺรหฺมทตฺตสฺส ภริยา
อจฺจาจรี พทฺธวสานุคสฺส ๓
ตํ วาปิ สา นาชฺฌคา กามกามินีติ ฯ
กุณฺฑลิกชาตกํ ปฐมํ ฯ
_______________
๒ วานรชาตกํ

[๖๖๖] อสกฺขึ วต อตฺตานํ อุฏฺฐาตุํ อุทกา ถลํ
นทานาหํ ปุน ตุยฺหํ วสํ คจฺฉามิ วาริช ฯ