[๖๔๗] เนวาภิสชฺชามิ นจาปิ กุปฺเป
นจาปิ เม อปฺปิยมาสิ กิญฺจิ
อโถปิ เม อาสิ มโนวิตกฺโก
เอตาทิโส นูน กุลสฺส ธมฺโม ฯ

[๖๔๘] เอสสฺมากํ กุเล ธมฺโม ปิตุปิตามโห สทา
อาสนํ อุทกํ ปชฺชํ สพฺเพตํ นิปทามเส ฯ
#๑ ม. อิทํ คาถาปาททฺวยํ น ทิสฺสติ ฯ ๒ ยุ. ทุสฺสีลํ ฯ ๓ ม. ปีฐมทายิมฺหา ฯ8

[๖๔๙] เอสสฺมากํ กุเล ธมฺโม ปิตุปิตามโห สทา
สกฺกจฺจํ อุปติฏฺฐาม อุตฺตมํ วิย ญาตกนฺติ ฯ
ปีฐชาตกํ สตฺตมํ ฯ
__________
๘ ถุสชาตกํ

[๖๕๐] วิทิตํ ถุสํ อุนฺทุรานํ วิทิตํ ปน ตณฺฑุลํ
ถุสํ ถุสํ ๑ วิวชฺชิตฺวา ตณฺฑุลํ ปน ขาทเร ฯ

[๖๕๑] ยา มนฺตนา อรญฺญสฺมึ ยา จ คาเม นิกณฺณิกา
ยญฺเจตํ อิติ จินฺตี จ ๒ เอตมฺปิ วิทิตํ มยา ฯ

[๖๕๒] ธมฺเมน กิร ชาตสฺส ปิตา ปุตฺตสฺส มกฺกโฏ
ทหรสฺเสว สนฺตสฺส ทนฺเตหิ ผลมจฺฉิทา ฯ

[๖๕๓] ยเมตํ ปริสปฺปสิ อชกาโณว สาสเป
โยปายํ เหฏฺฐโต เสติ ๓ เอตมฺปิ วิทิตํ มยาติ ฯ
ถุสชาตกํ อฏฺฐมํ ฯ
___________
๙ พาเวรุชาตกํ

[๖๕๔] อทสฺสเนน โมรสฺส สิขิโน มญฺชุภาณิโน
กากํ ตตฺถ อปูเชสุํ มํเสน จ ผเลน จ ฯ

[๖๕๕] ยทา จ สรสมฺปนฺโน โมโร พาเวรุมาคมา
#๑ สี. ถุสํ ถูลํ ฯ ๒ ม. … จีติ จ ฯ ๓ สี. เสสิ ฯ
อถ ลาโภ จ สกฺกาโร วายสสฺส อหายถ ฯ

[๖๕๖] ยาว นุปฺปชฺชตี พุทฺโธ ธมฺมราชา ปภงฺกโร
ตาว อญฺเญ อปูเชสุํ ปุถู สมณพฺราหฺมเณ ฯ