[๖๓๗] เอวเมว มนุสฺเสสุ โย โหติ เสฏฺฐสมฺมโต
โส เจปิ ๕ ธมฺมํ จรติ ปเคว อิตรา ปชา
#๑ ม. ขีณผลนฺติ ฯ ๒ ม. ขตฺติเย ฯ ๓ ม. สพฺพา ตา ชิมฺหํ คจฺฉนฺติ ฯ
#๔ ยุ. สพฺพา ตา อุชุํ คจฺฉนฺติ ฯ ๕ ม. สเจ ฯ
สพฺพํ รฏฺฐํ สุขํ เสติ ราชา เจ โหติ ธมฺมิโกติ ฯ
ราโชวาทชาตกํ จตุตฺถํ ฯ
____________
๕ ชมฺพุกชาตกํ

[๖๓๘] พฺรหา ปวฑฺฒกาโย โส ทีฆทาโฐว ชมฺพุก
น ตฺวํ ตมฺหิ กุเล ชาโต ยตฺถ คณฺหนฺติ กุญฺชรํ ฯ

[๖๓๙] อสีโห สีหมาเนน โย อตฺตานํ วิกุพฺพติ
กุตฺถุว ๑ คชมาสชฺช เสติ ภูมฺยา อนุตฺถุนํ ฯ

[๖๔๐] ยสสฺสิโน อุตฺตมปุคฺคลสฺส
สญฺชาตขนฺธสฺส มหพฺพลสฺส
อสเมกฺขิย กามพลูปปตฺตึ
ส เสติ นาเคน หโตยํ ชมฺพุโก ฯ

[๖๔๑] โย จีธ กมฺมํ กุรุเต ปมาย
ถามพลํ อตฺตนิ สํวิทิตฺวา
ชปฺเปน มนฺเตน สุภาสิเตน
ปริกฺขวา โส วิปุลํ ชินาตีติ ฯ
ชมฺพุกชาตกํ ปญฺจมํ ฯ
___________
๖ พฺรหาฉตฺตชาตกํ

[๖๔๒] ติณํ ติณนฺติ ลปสิ โก นุ เต ติณมาหริ
#๑ ม. โกตฺถูว ฯ สี. โกฏฺฐูว ฯ
กินฺนุ เต ติณกิจฺจตฺถิ ติณเมว ปภาสติ ฯ

[๖๔๓] อิธาคมา พฺรหฺมจารี พฺรหาฉตฺโต พหุสฺสุโต
โส เม สพฺพํ สมาทาย ติณํ นิกฺขิปฺป คจฺฉติ ฯ

[๖๔๔] เอเวตํ โหติ กตฺตพฺพํ อปฺเปน พหุมิจฺฉตา
สพฺพํ สกสฺส อาทานํ อนาทานํ ติณสฺส จ
ติณสฺส จาฏีสุ คโต ตตฺถ กา ปริเทวนา ๑ ฯ

[๖๔๕] สีลวนฺโต น กุพฺพนฺติ พาโล สีลานิ กุพฺพติ
อนิจฺจสีลํ ทุสฺสีลฺยํ ๒ กึ ปณฺฑิจฺจํ กริสฺสตีติ ฯ
พฺรหาฉตฺตชาตกํ ฉฏฺฐํ ฯ
____________
๗ ปีฐชาตกํ

[๖๔๖] น เต ปีฐมทาสิมฺห ๓ น ปานํ นปิ โภชนํ
พฺรหฺมจารี ขมสฺสุ เม เอตํ ปสฺสามิ อจฺจยํ ฯ