[๖๑๗] จาเลติ กณฺณํ ภกุฏึ กโรติ
มุหุํ มุหุํ ภายเต ๓ กุมาเร
สยเมว ตํ กาหติ กาฬพาหุ
เยนารกา ฐสฺสติ อนฺนปานาติ ฯ
กาฬพาหุชาตกํ นวมํ ฯ
____________
๑๐ สีลวีมํสชาตกํ

[๖๑๘] สีลํ กิเรว กลฺยาณํ สีลํ โลเก อนุตฺตรํ
ปสฺส โฆรวิโส นาโค สีลวาติ น หญฺญติ ฯ

[๖๑๙] ยาวเทวสฺสหู กิญฺจิ ตาวเทว อขาทิสุํ
สงฺคมฺม กุลลา โลเก น หึสนฺติ อกิญฺจนํ ฯ

[๖๒๐] สุขํ นิราสา สุปติ อาสา ผลวตี สุขา
อาสํ นิราสํ กตฺวาน สุขํ สุปติ ปิงฺคลา ฯ

[๖๒๑] น สมาธิปโร อตฺถิ อสฺมึ โลเก ปรมฺหิ จ
น ปรํ นาปิ อตฺตานํ วิหึสติ สมาหิโตติ ฯ
สีลวีมํสชาตกํ ทสมํ ฯ
กุฏิทูสกวคฺโค ตติโย ฯ
#๑ ม. ทกฺขิสาม ฯ ๒ สี. ยุ. นิพฺพาปิตํ ฯ ม. นิทฺธาวิตํ ฯ ๓ สี. ภาสยเต ฯ
# ม. ภายยเต ฯ
ตสฺสุทฺทานํ
สมนุสฺส สทุทฺทุ สยาจนโก
อถ เมณฺฑวรุตฺตม โคธวโร
อถ กาย สเกปุก โภตีวโร
อถ ราธ สุสีลวเรน ทส ฯ
___________
๔ โกกิลวคฺโค
๑ โกกาลิกชาตกํ ๑

[๖๒๒] โย เว กาเล อสมฺปตฺเต อติเวลํ ปภาสติ
เอวํ โส นิหโต เสติ โกกิลาเยว ๒ อตฺรโช ฯ

[๖๒๓] น หิ สตฺถํ สุนิสิตํ วิสํ หลาหลมฺมิว ๓
เอวํ นิกฺกเฒ ๔ ปาเตติ วาจา ทุพฺภาสิตา ยถา ฯ

[๖๒๔] ตสฺมา กาเล อกาเล จ ๕ วาจํ รกฺเขยฺย ปณฺฑิโต
นาติเวลํ ปภาเสยฺย อปิ อตฺตสมมฺหิ วา ฯ

[๖๒๕] โย จ กาเล มิตํ ภาเส มติปุพฺโพ วิจกฺขโณ
สพฺเพ อมิตฺเต อาเทติ สุปณฺโณ อุรคมฺมิวาติ ๖ ฯ
โกกาลิกชาตกํ ปฐมํ ฯ
___________
๒ รถลฏฺฐิชาตกํ

[๖๒๖] อปิ หนฺตฺวา หโต พฺรูติ เชตฺวา ชิโตติ ภาสติ
#๑ ม. โกกิลชาตกํ ฯ ๒ ม. โกกิลายิว ฯ ๓ ม. หลาหลามิว ฯ ๔ ม. นิกฏฺเฐ ฯ
#๕ ม. วา ฯ ๖ ม. อุรคามิวาติ ฯ
ปุพฺพมกฺขายิโน ๑ ราช เอตทตฺถุํ ๒ น สทฺทเห ฯ