[๕๙๗] เอวํ โส นิหโต เสติ โย อปูชํ ปสํสติ ๗
ยถาหมชฺช ปหโต หโต เมณฺเฑน ทุมฺมตีติ ฯ
จมฺมสาฏกชาตกํ จตุตฺถํ ฯ
____________
#๑ สี. ม. อภิกงฺขมาโน ฯ ๒ ม. อวสกฺกตี ฯ ๓ ม. อูรุฏฺฐิ ภคฺคํ ปวฏฺฏิโต ฯ
#๔ ม. สพฺพญฺจ ภณฺฑํ พฺราหฺมณสฺส … ฯ ๕ ม. ปคฺคยฺห ฯ ๖ สี. ม. อภิธาวถ
#หญฺญเต พฺรหฺมจารี ฯ ๗ สี. ยุ. นมสฺสติ ฯ
๕ โคธชาตกํ ๑

[๕๙๘] สมณนฺตํ มญฺญมาโน อุปคญฺฉึ อสญฺญตํ
โส มํ ทณฺเฑน ปาหาสิ ยถา อสฺสมโณ ตถา ฯ

[๕๙๙] กินฺเต ชฏาหิ ทุมฺเมธ กินฺเต อชินสาฏิยา
อพฺภนฺตรนฺเต คหนํ พาหิรํ ปริมชฺชสิ ฯ

[๖๐๐] เอหิ โคธ นิวตฺตสฺสุ ภุญฺช สาลีนโมทนํ
เตลํ โลณญฺจ เม อตฺถิ ปหุตํ ๒ มยฺหํ ปิปฺผลิ ฯ

[๖๐๑] เอส ภิยฺโย ปเวกฺขามิ วมฺมิกํ สตโปริสํ
เตลํ โลณญฺจ กินฺเตสิ ๓ อหิตํ มยฺหํ ปิปฺผลีติ ฯ
โคธชาตกํ ปญฺจมํ ฯ
___________
๖ กกฺการุชาตกํ

[๖๐๒] กาเยน โย นาวหเร วาจาย น มุสา ภเณ
ยโส ลทฺธา น มชฺเชยฺย สเว กกฺการุมรหติ ฯ

[๖๐๓] ธมฺเมน วิตฺตเมเสยฺย น นิกตฺยา ธนํ หเร
โภเค ลทฺธา น มชฺเชยฺย สเว กกฺการุมรหติ ฯ

[๖๐๔] ยสฺส จิตฺตํ อหาลิทฺทํ สทฺธา จ อวิราคินี
เอโก สาทุํ น ภุญฺเชยฺย สเว กกฺการุมรหติ ฯ

[๖๐๕] สมฺมุขา วา ติโรกฺขา ๔ วา โย สนฺเต น ปริภาสติ
#๑ ม. โคธราชชาตกํ ฯ ๒ ม. ปหูตํ ฯ ๓ ม. กิตฺเตสิ ฯ ๔ ยุ. ปโรกฺขา วา ฯ
ยถาวาที ตถาการี สเว กกฺการุมรหตีติ ฯ
กกฺการุชาตกํ ฉฏฺฐํ ฯ
___________
๗ กากาติชาตกํ ๑

[๖๐๖] วาติ จายํ ตโต คนฺโธ ยตฺถ เม วสตี ปิยา
ทูเร อิโต หิ กากาติ ๒ ยตฺถ เม นิรโต มโน ฯ