[๕๖๗] เทวา มนุสฺสา จตุปฺปทา ปกฺขิคณา อุรคา จ โภคิโน
ยมฺหิ ๕ สรีเร อนิสฺสรา รมมานาว ชหนฺติ ชีวิตํ ฯ

[๕๖๘] เอวํ จลิตํ อสณฺฐิตํ สุขทุกฺขํ มนุเชสุ อเปกฺขิยํ ๖
กนฺทิตํ รุณตํ ๗ นิรตฺถกํ กึ โว โสกคณาภิกีรเร ฯ

[๕๖๙] ธุตฺตา โสณฺฑา จ อกตา พาลา สูรา [๘] อโยคิโน
ธีรํ มญฺญนฺติ พาโลติ เย ธมฺมสฺส อโกวิทาติ ฯ
มตโรทนชาตกํ สตฺตมํ ฯ
___________
#๑ สี. ยุ. อมฺพปกฺโกทกํ ฯ ๒ ม. สีตจฺฉายา มโนรมา ฯ ๓ ม. มตํ มตํ เอว ฯ
#๔ ม. สพฺเพปิ ฯ ๕ ยุ. อสฺมึ ฯ ๖ ม. มนุเชสฺวเปกฺขิย ฯ
#๗ ม. กนฺทิตรุทิตํ ฯ ๘ ยุ. ธีรา ฯ
๘ กณเวรชาตกํ

[๕๗๐] ยนฺตํ วสนฺตสมเย กณเวเรสุ ภาณุสุ
สามํ พาหาย ปีเฬสิ สา ตํ อาโรคฺยมพฺรวิ ฯ

[๕๗๑] อมฺโภ น กิร สทฺเธยฺยํ ยํ วาโต ปพฺพตํ วเห
ปพฺพตญฺเจ วเห วาโต สพฺพมฺปิ ปฐวึ วเห
ยตฺถ สามา กาลกตา สามํ อาโรคฺยมพฺรวิ ฯ

[๕๗๒] น เจว สา กาลกตา น จ สา อญฺญมิจฺฉติ
เอกภตฺตา ๑ กิร สามา ตเมว อภิกงฺขติ ฯ

[๕๗๓] อสนฺถุตํ มํ จิรสนฺถุเตน
นิมินิ สามา อธุวํ ธุเวน
มยาปิ สามา นิมิเนยฺย อญฺญํ
อิโต อหํ ทูรตรํ คมิสฺสนฺติ ฯ
กณเวรชาตกํ อฏฺฐมํ ฯ
___________
๙ ติตฺติรชาตกํ

[๕๗๔] สุสุขํ วต ชึวามิ ลภามิ เจว ภุญฺชิตุํ
ปริปนฺเถว ติฏฺฐามิ กา นุ ภนฺเต คตี มม ฯ

[๕๗๕] มโน เจ เต นปฺปณมติ ปกฺขิ ปาปสฺส กมฺมุโน
อวฺยาวฏสฺส ภทฺรสฺส น ปาปมุปลิมฺปติ ฯ

[๕๗๖] ญาตโก โน นิสินฺโนติ พหุ อาคจฺฉเต ชโน
#๑ ม. เอกรตฺติกิรี ฯ ยุ. เอกภตฺตกิรี ฯ
ปฏิจฺจ กมฺมํ ผุสติ ตสฺมึ เม สงฺกเต มโน ฯ