[๕๔๗] สเจปิ สนฺโต วิวทนฺติ ขิปฺปํ สนฺธิยเร ๔ ปุน
พาลา ปตฺตาว ภิชฺชนฺติ น เต สมถมชฺฌคู ฯ

[๕๔๘] เอเต ภิยฺโย สมายนฺติ สนฺธิ เตสํ น ชีรติ
โย จาธิปนฺนํ ชานาติ โย จ ชานาติ เทสนํ ฯ

[๕๔๙] เอโส หิ อุตฺตริตโร ภาราวโห ธุรนฺธโร ๕
#๑ ม. คเหสุํ ฯ ๒ ม. ยํ นุ ฯ ๓ ม. อปฺเปนฺติ ฯ ๔ ม. สนฺธียเร ฯ
#๕ ม. ภารวโห ธุรทฺธโร ฯ
โย ปเรสาธิปนฺนานํ สยํ สนฺธาตุมรหตีติ ฯ
กสฺสปมนฺทิยชาตกํ ทุติยํ ฯ
___________
๓ ขนฺติวาทิชาตกํ

[๕๕๐] โย เต หตฺเถ จ ปาเท จ กณฺณนาสญฺจ เฉทยิ
ตสฺส กุชฺฌ มหาวีร มา รฏฺฐํ วินสฺส ๑ อิทํ ฯ

[๕๕๑] โย เม หตฺเถ จ ปาเท จ กณฺณนาสญฺจ เฉทยิ
จิรํ ชีวตุ โส ราชา นหิ กุชฺฌนฺติ มาทิสา ฯ

[๕๕๒] อหุ อตีตมทฺธาเน ๒ สมโณ ขนฺติทีปโน
ตํ ขนฺติยาเยว ฐิตํ กาสิราชา อเฉทยิ ฯ

[๕๕๓] ตสฺส กมฺมผรุสสฺส ๓ วิปาโก กฏุโก อหุ
ยํ กาสิราชา เวเทสิ นิรยมฺหิ สมปฺปิโตติ ฯ
ขนฺติวาทิชาตกํ ตติยํ ฯ
___________
๔ โลหกุมฺภิชาตกํ

[๕๕๔] ทุชฺชีวิตมชีวิมฺห เยสนฺโน น ททามเส ๔
วิชฺชมาเนสุ โภเคสุ ทีปํ นากมฺห อตฺตโน ฯ

[๕๕๕] สฏฺฐึ ๕ วสฺสสหสฺสานิ ปริปุณฺณานิ สพฺพโส
นิรเย ปจฺจมานานํ กทา อนฺโต ภวิสฺสติ ฯ

[๕๕๖] นตฺถิ อนฺโต กุโต อนฺโต น อนฺโต ปฏิทิสฺสติ
#๑ ม. วินสา ฯ ๒ ม. อตีตมทฺธานํ ฯ ๓ สี. ยุ. กมฺมสฺส ฯ ๔ ม. เย สนฺเต น ททมฺหเส ฯ
#๕ ม. สฏฺฐิ ฯ
ตทาหิ ปกตํ ปาปํ มม ตุยฺหญฺจ มาริส ๑ ฯ