[๕๒๗] ทูเร สุโต เจว พฺรหา จ รุกฺโข
เทเส ฐิโต ภูตนิวาสรูโป
ตสฺมา นมสฺสามิ อิมํ ปลาสํ
เย เจตฺถ ภูตา เต ๑ ธนสฺส เหตุ ฯ

[๕๒๘] โส เต กริสฺสามิ ยถานุภาวํ
กตญฺญุตํ พฺราหฺมณ เปกฺขมาโน
กถํ หิ อาคมฺม สตํ สกาเส
โมฆา ๒ เต อสฺสุ ปริผนฺทิตานิ ฯ

[๕๒๙] โย ตินฺทุรุกฺขสฺส ๓ ปโร ปิลกฺโข ๔
ปริวาริโต ปุพฺพยญฺโญ อุฬาโร
ตสฺเสว มูลสฺมิ นิธิ นิขาโต
อทายาโท คจฺฉ นํ อุทฺธราหีติ ฯ
ปลาสชาตกํ สตฺตมํ ฯ
___________
๘ ชวสกุณชาตกํ ๕

[๕๓๐] อกรมฺหาว ๖ เต กิจฺจํ ยํ พลํ อหุวมฺหเส
มิคราช นโม ตฺยตฺถุ อปิ กิญฺจิ ลภามเส ฯ

[๕๓๑] มม โลหิตภกฺขสฺส นิจฺจํ ลุทฺทานิ กุพฺพโต
ทนฺตนฺตรคโต สนฺโต ตํ พหุํ ยมฺปิ ชีวสิ ฯ
#๑ สี. ยุ. เต จ ฯ ๒ ม. โมฆานิ ฯ ๓ ม. ตินฺทุกรุกฺขสฺส ฯ
#๔ สี. ยุ. ปิลกฺขา ฯ ๕ ม. สกุณชาตกํ ฯ ๖ ม. อกรมฺหสํ ฯ

[๕๓๒] อกตญฺญุมกตฺตารํ กตสฺส อปฺปฏิการกํ
ยสฺมึ กตญฺญุตา นตฺถิ นิรตฺถา ตสฺส เสวนา ฯ

[๕๓๓] ยตฺถ ๑ สมฺมุขจิณฺเณน มิตฺตธมฺโม น ลพฺภติ
อนุสฺสูยมนกฺโกสํ ๒ สณิกํ ตมฺหา อปกฺกเมติ ฯ
ชวสกุณชาตกํ อฏฺฐมํ ฯ
___________
๙ ฉวชาตกํ ๓

[๕๓๔] สพฺพํ อิทญฺจ มริกตํ ๔ อุโภ ธมฺมํ น ปสฺสเร
อุโภ ปกติยา จุตา โย จายํ มนฺเต ฌาเปติ
โย จ มนฺตํ อธียติ ฯ

[๕๓๕] สาลีนํ โอทนํ ภุญฺเช สุจึ มํสูปเสจนํ
ตสฺมา เอตํ น เสวามิ ธมฺมํ อิสีภิ เสวิตํ ฯ

[๕๓๖] ปริพฺพช มหา โลโก ปจนฺตญฺเญปิ ปาณิโน
มา ตฺวํ ๕ อธมฺโม อาจริโต ตสฺมา กุมฺภมิวาภิทา ฯ