[๕๑๗] วิเทสวาสํ วสโต ชาตเวทสเมนปิ
ขมิตพฺพํ สปญฺเญน อปิ ทาสสฺส ตชฺชิตนฺติ ฯ
ททฺทรชาตกํ จตุตฺถํ ฯ
___________
๕ สีลวีมํสชาตกํ

[๕๑๘] นตฺถิ โลเก รโห นาม ปาปกมฺมํ ปกุพฺพโต
ปสฺสนฺติ วนภูตานิ ตํ พาโล มญฺญเต ๒ รโห ฯ

[๕๑๙] อหํ รโห น ปสฺสามิ สุญฺญํ วาปิ น วิชฺชติ
ยตฺถ สุญฺญํ ๓ น ปสฺสามิ อสุญฺญํ โหติ ตํ มยา ฯ

[๕๒๐] ทุชฺชจฺโจ จ สุชจฺโจ ๔ จ นนฺโท จ สุขวจฺฉโน ๕
#๑ ม. อาสีวิสํ ฯ ๒ ม. มญฺญตี ฯ ๓ ม. อญฺญํ ฯ ๔ ยุ. อชจฺโจ ฯ
#๕ ม. สุขวฑฺฒิโต ฯ
วชฺโฌ ๑ อทฺธุวสีโล จ เต ธมฺมํ ชหุมตฺถิกา ฯ

[๕๒๑] พฺราหฺมโณ จ กถํ ชเห สพฺพธมฺมาน ปารคู
โย ธมฺมํ อนุปาเลติ ธิติมา สจฺจนิกฺกโมติ ฯ
สีลวีมํสชาตกํ ปญฺจมํ ฯ
___________
๖ สุชาตาชาตกํ

[๕๒๒] กึ อณฺฑกา อิเม เทว นิกฺขิตฺตา กํสมลฺลเก
อุปโลหิตกา วคฺคู ตํ ๒ เม อกฺขาหิ ปุจฺฉิโต ฯ

[๕๒๓] ยานิ ปุเร ตุวํ เทวิ ภณฺฑุ นนฺตกวาสินี
อุจฺฉงฺคหตฺถา ปจินาสิ ตสฺสา เต โกลิยํ ผลํ ฯ

[๕๒๔] อุทยฺหเต ๓ น รมติ โภคา วิปฺปชหนฺติ ตํ
ตตฺเถวิมํ ปฏิเนถ ยตฺถ โกลํ ปจิสฺสติ ฯ

[๕๒๕] โหนฺติ เหเต มหาราช อิทฺธิปฺปตฺตาย นาริยา
ขม เทว สุชาตาย มาสฺสา กุชฺฌ รเถสภาติ ฯ
สุชาตาชาตกํ ฉฏฺฐํ ฯ
___________
๗ ปลาสชาตกํ

[๕๒๖] อเจตนํ พฺราหฺมณ อสฺสุณนฺตํ
ชาโน อชานนฺตมิมํ ปลาสํ
อารทฺธวีริโย ธุวมปฺปมตฺโต
#๑ ม. ผวชฺโฌ ฯ ๒ ยุ. เต ฯ ๓ ม. อุฑฺฑยฺหเต ฯ
สุขเสยฺยํ ปุจฺฉสิ กิสฺส เหตุ ฯ