[๔๙๗] สุตา หิ มยฺหํ ปรมา วิสุทฺธิ
โกมาริยปุตฺตสฺส ๑ พหุสฺสุตสฺส
มาทานิ มํ มญฺญิ ตุวํ ยถา ปุเรฐ
ฌานาภิยุตฺตา วิหราม อาวุโส ๒ ฯ

[๔๙๘] สเจปิ เสลสฺมิ วเปยฺย พีชํ
เทโว จ วสฺเส น หิ ตํ วิรูเฬฺห
สุตา หิ เต สา ปรมา วิสุทฺธิ
อารา ตุวํ มกฺกฏ ฌานภูมฺยาติ ๓ ฯ
โกมาริยปุตฺตชาตกํ นวมํ ฯ
_______________
๑๐ พกชาตกํ

[๔๙๙] ปรปาณฆาเต ๔ ชีวนฺโต มํสโลหิตโภชโน
พโก วตํ สมาทาย อุปปชฺชิ อุโปสถํ ฯ

[๕๐๐] ตสฺส สกฺโก วตญฺญาย อชรูเปนุปาคมิ
วีตตโป อชฺฌปตฺโต ภญฺชิ โลหิตโป ตปํ ฯ

[๕๐๑] เอวเมว อิเธกจฺโจ ๕ สมาทานสฺมิ ทุพฺพโล ๖
ลหุํ กโรติ ๗ อตฺตานํ พโกว อชการณาติ ฯ
พกชาตกํ ทสมํ ฯ
กุมฺภวคฺโค ปญฺจโม ฯ
#๑ ม. โกมารปุตฺต … ฯ ๒ ม. ฌานานุยุตฺโต วิหรามิ อาวุโส ฯ ๓ ม. ฌานภูมิยาติ ฯ
#๔ ม. ปรปาณโรธา ฯ ๕ ม. อิเธกจฺเจ ฯ ๖ ม. ทุพฺพลา ฯ ๗ ม. อโรนฺติ ฯ
ตสฺสุทฺทานํ
วรกุมฺภ สุปตฺตสิริวฺหยโน
สุจิสมฺมต พินฺทุสฺสโร จุสโภ
สริตํปติ จณฺฑี ชรากปินา
อถ มกฺกฏิยา วกเกน ทสาติ ฯ
___________
วคฺคุทฺทานํ
สงฺกปฺโป ปทุโม เจว อุทปาเนน ตติยํ
อพฺภนฺตรํ ฆฏเภทํ ติกนิปาตมฺหิลงฺกตํ ๑ ฯ
ติกนิปาตํ นิฏฺฐิตํ ฯ
___________
#๑ ปุราณโปตฺถเก วคฺคุทฺทานํ นฏฺฐํ ฯ อิทํ กิตฺติโสภเนน มยา ลิขิตํ ฯ
จตุกฺกนิปาตชาตกํ
๑ กาลิงฺควคฺโค
๑ จุลฺลกาลิงฺคชาตกํ

[๕๐๒] วิวรถ อิมาสํ ทฺวารํ นครนฺตํ ปวีสิตุํ ๑
อรุณราชสฺส สีเหน สุสิฏฺเฐน ๒ สุรกฺขิตํ นนฺทิเสเนน ฯ

[๕๐๓] ชโย กาลิงฺคานํ อสยฺหสาหินํ
ปราชโย อชโย ๓ อสฺสกานํ
อิจฺเจวํ ๔ เต ภาสิตํ พฺรหฺมจาริ
น อุชุภูตา วิตถํ ภณนฺติ ฯ

[๕๐๔] เทวา มุสาวาทมุปาติวตฺตา
สจฺจํ ตถํ ปรมํ กรํ นุ สกฺก ๕
ตนฺเต มุสา ภาสิตํ เทวราช
กึ วา ปฏิจฺจ มฆวา มหินฺท ๖ ฯ

[๕๐๕] นนุ เต สุตํ พฺราหฺมณ ภญฺญมาเน
เทวา น อิสฺสนฺติ ปุริสปรกฺกมสฺส
ทโม สมาธิ มนโส อเภชฺโช ๗
#๑ สี. นครํ ปวิสนฺตุ ฯ ม. วิรุติมาสํ ทฺวารํ นครํ ปวิสนฺตุ ฯ
#๒ สี. ยุ. สุสตฺเถน ฯ ๓ สี. ม. อนโย ฯ ๔ ม. อิจฺเจว ฯ ๕ สี. ม. สจฺจํ ธนํ
#ปรมนฺเตสุ สกฺก ฯ ๖ สี. ชนินฺท ฯ ๗ สี. ยุ. อเทชฺโช ฯ
อพฺยตฺตตา ๑ นิกฺกมนญฺจ ๒ กาเล
ทฬฺหญฺจ วิริยํ ปุริสปรกฺกโม จ
เตเนว อาสิ วิชโย อสฺสกานนฺติ ฯ
จุลฺลกาลิงฺคชาตกํ ปฐมํ ฯ
____________
๒ มหาอสฺสาโรหชาตกํ

[๕๐๖] อเทยฺเยสุ ททํ ทานํ เทยฺเยสุ นปฺปเวจฺฉติ
อาปาสุ พฺยสนํ ปตฺโต สหายํ นาธิคจฺฉติ ฯ