[๔๗๗] เตสาหํ ปหิโต ทูโต รญฺโญ จมฺหิ อิธาคโต
ภตฺตุ อปจิตึ กุมฺมิ นาสายมกรํ ๖ วณนฺติ ฯ
สุปตฺตชาตกํ ทุติยํ ฯ
___________
๓ กายนิพฺพินฺทชาตกํ

[๔๗๘] ผุฏฺฐสฺส เม อญฺญตเรน พฺยาธินา
โรเคน พาฬฺหํ ทุขิตสฺส รุปฺปโต
ปริสุสฺสติ ขิปฺปมิทํ กเฬวรํ
ปุปฺผํ ยถา ปํสุนิ อาตเป กตํ ฯ

[๔๗๙] อชญฺญํ ชญฺญสงฺขาตํ อสุจึ สุจิสมฺมตํ
นานากุณปปริปูรํ ชญฺญรูปํ อปสฺสโต ฯ
#๑ สี. ยุ. ภินฺโน ว ฯ ๒ สี. ยุ. พาราณสฺสํ ฯ ๓ สี. ยุ. นิวาริโก ฯ ๔ ม.
# สุผสฺสา ฯ ๕ สี. สุผสฺสา มจฺฉมิจฺฉติ ฯ ๖ สี. ยุ. … มกรึ ฯ

[๔๘๐] ธิรตฺถุมํ อาตุรํ ปูติกายํ
ชิคุจฺฉิยํ อสุจึ พฺยาธิธมฺมํ
ยตฺถปฺปมตฺตา อธิมุจฺฉิตา ปชา
หาเปนฺติ มคฺคํ สุคตูปปตฺติยาติ ฯ
กายนิพฺพินฺทชาตกํ ตติยํ ฯ
___________
๔ ชมฺพูขาทกชาตกํ

[๔๘๑] โกยํ พินฺทุสฺสโร วคฺคุ สรวนฺตานมุตฺตโม
อจฺจุโต ชมฺพุสาขาย โมรจฺฉาโปว กุชฺชติ ฯ

[๔๘๒] กุลปุตฺโต ปชานาติ กุลปุตฺตํ ๑ ปสํสิตุํ
พฺยคฺฆจฺฉาปสทิสวณฺณ ภุญฺช สมฺม ททามิ เต ฯ

[๔๘๓] จิรสฺสํ วต ปสฺสามิ มุสาวาที สมาคเต
วนฺตาทํ กุณปาทญฺจ อญฺญมญฺญํ ปสํสเกติ ฯ
ชมฺพูขาทกชาตกํ จตุตฺถํ ฯ
___________๗
๕ อนฺตชาตกํ

[๔๘๔] อุสภสฺเสว เต ขนฺโธ สีหสฺเสว วิชมฺภิตํ
มิคราช นโม ตยตฺถุ อปิ กิญฺจิ ลภามเส ฯ

[๔๘๕] กุลปุตฺโต ปชานาติ กุลปุตฺตํ ๒ ปสํสิตุํ
มยูรคีวสงฺกาส อิโต ปริยาหิ วายส ฯ
#๑-๒ สี. ยุ. กุลปุตฺเต ฯ

[๔๘๖] มิคานํ โกฏฺฐโก ๑ อนฺโต ปกฺขีนํ ปน วายโส
เอรณฺโฑ อนฺโต รุกฺขานํ ตโย อนฺตา สมาคตาติ ฯ
อนฺตชาตกํ ปญฺจมํ ฯ
__________
๖ สมุทฺทชาตกํ