[๔๖๗] ปุตฺโต อาชญฺญกํ รถํ กญฺญา จ มณิกุณฺฑลํ
ยา เจสา ปุณฺณกา ๑ ชมฺมี อุทุกฺขลํ อภิกงฺขติ ฯ

[๔๖๘] พฺราหฺมณสฺส คามวรํ พฺราหฺมณิยา ควํ สตํ
ปุตฺตสฺส อาชญฺญรถํ กญฺญาย มณิกุณฺฑลํ
ยญฺเจตํ ปุณฺณกํ ๒ ชมฺมึ ปฏิปาเทถุทุกฺขลนฺติ ฯ
นานาฉนฺทชาตกํ นวมํ ฯ
____________
๑๐ สีลวีมํสชาตกํ

[๔๖๙] สีลํ กิเรว กลฺยาณํ สีลํ โลเก อนุตฺตรํ
ปสฺส โฆรวิโส นาโค สีลวาติ น หญฺญติ ฯ

[๔๗๐] โสหํ สีลํ สมาทิสฺสํ โลเก อนุมตํ สิวํ
#๑ ม. ปุณฺณิกา ฯ ๒ ม. ปุณฺณิกํ ฯ
อริยวุตฺติสมาจาโร เยน วุจฺจติ สีลวา ฯ

[๔๗๑] ญาตีนญฺจ ปิโย โหติ มิตฺเตสุ จ วิโรจติ
กายสฺส เภทา สุคตึ อุปปชฺชติ สีลวาติ ฯ
สีลวีมํสชาตกํ ทสมํ ฯ(
อพฺภนฺตรวคฺโค จตุตฺโถ ฯ
__________
ตสฺสุทฺทานํ
ทุม กํส วรุตฺตมพฺยคฺฆมิคา
มณโย มณิ สาลุกมวฺหยโน
อนุสาสนิโย ปิจ มจฺฉวโร
มณิกุณฺฑลเกน กิเรน ทส ฯ
___________
๕ กุมฺภวคฺโค
๑ ภทฺรฆฏเภทกชาตกํ ๑

[๔๗๒] สพฺพกามททํ กุมฺภํ กูฏํ ลทฺธาน ธุตฺตโก
ยาว นํ อนุปาเลติ ตาว โส สุขเมธติ ฯ

[๔๗๓] ยทา มตฺโต จ ทิตฺโต จ ปมาทา กุมฺภมพฺภิทา
ตโต ๒ นคฺโค จ โปตฺโถ จ ปจฺฉา พาโล วิหญฺญติ ฯ

[๔๗๔] เอวเมว [๓] ธนํ ลทฺธา ปมตฺโต ๔ ปริภุญฺชติ
#๑ ม. สุราฆฏชาตกํ ฯ ๒ ม. ตทา ฯ ๓ ม. โย ฯ ๔ สี. อมตฺตา ฯ ยุ. อมตฺโต ฯ
ปจฺฉา ตปติ ทุมฺเมโธ กูฏํ ภิตฺวาว ๑ ธุตฺตโกติ ฯ
ภทฺรฆฏเภทกชาตกํ ปฐมํ ฯ
___________
๒ สุปตฺตชาตกํ

[๔๗๕] พาราณสฺยํ ๒ มหาราช กากราชา นิวาสโก ๓
อสีติยา สหสฺเสหิ สุปตฺโต ปริวาริโต ฯ

[๔๗๖] ตสฺส โทหฬินี ภริยา สุปสฺสา ๔ ภกฺขิตุมิจฺฉติ ๕
รญฺโญ มหานเส ปกฺกํ ปจฺจคฺฆํ ราชโภชนํ ฯ