[๔๓๗] เอวเมว อิเธกจฺโจ ปุคฺคโล โหติ ตาทิโส
หิเตภิ วจนํ วุตฺโต ปฏิคฺคณฺหติ วามโต ฯ
#๑ ม. อาชีวิกา ฯ ๒ ม. มหึสราชชาตกํ ฯ ๓ สี. ยุ. กมตฺถ … ฯ ๔ ส. ยุ. ทูภิโน ฯ
#๕ สี. สพฺพกามททสฺเสว ฯ ๖ สี. ม. นิหนาเหตํ ฯ ๗ สี. ม. ปกุชฺเฌยฺยุํ ฯ
#๘ ม. อญฺเญเปวํ ฯ

[๔๓๘] เย จ โข นํ ปสํสนฺติ ภยา อุกฺกํสยนฺติ วา
ตญฺหิ โส มญฺญเต มิตฺตํ สตปตฺตํว มาณโวติ ฯ
สตปตฺตชาตกํ นวมํ ฯ
___________
๑๐ ปูฏทูสกชาตกํ

[๔๓๙] อทฺธา หิ นูน มิคราชา ปูฏกมฺมสฺส โกวิโท
ตถาหิ ปูฏํ ทูเสติ อญฺญํ นูน กริสฺสติ ฯ

[๔๔๐] น เม ปิตา วา มาตา วา ปูฏกมฺมสฺส โกวิทา
กตํ กตํ โข ทูเสม เอวํ ธมฺมมิทํ กุลํ ฯ

[๔๔๑] เยสํ โว เอทิโส ธมฺโม อธมฺโม ปน กีทิโส
มา โว ธมฺมํ อธมฺมํ วา อทฺทสาม กุทาจนนฺติ ฯ
ปูฏทูสกชาตกํ ทสมํ ฯ
อุทปานวคฺโค ๑ ตติโย
___________
ตสฺสุทฺทานํ
อุทปานวรํ วนพฺยคฺฆ กปิ
สิขินี จ พลากรุจิรวโร
สุชนาธิป โรมก ทูส ปุน
สตปตฺตวโร ปูฏกมฺม ทส ฯ
____________
#๑ สี. ยุ. อรญฺญวคฺโค ฯ
๔ อพฺภนฺตรวคฺโค
๑ อพฺภนฺตรชาตกํ

[๔๔๒] อพฺภนฺตโร นาม ทุโม ยสฺส ทิพฺยมิทํ ผลํ
ภุตฺวา โทหฬินี นารี จกฺกวตฺตึ วิชายติ ฯ

[๔๔๓] ตฺวมฺปิ ๑ ภทฺเท มเหสีสิ สา จาปิ ๒ ปติโน ปิยา
อาหริสฺสติ เต ราชา อิทํ อพฺภนฺตรํ ผลํ ฯ

[๔๔๔] ภตฺตุรตฺเถ ปรกฺกนฺโต ยํ ฐานมธิคจฺฉติ
สูโร อตฺตปริจฺจาคี ลภมาโน ภวามหนฺติ ฯ
อพฺภนฺตรชาตกํ ปฐมํ ฯ
___________
๒ เสยฺยชาตกํ

[๔๔๕] เสยฺยํโส เสยฺยโส โหติ โย เสยฺยมุปเสวติ
เอเกน สนฺธึ กตฺวาน สตํ วชฺเฌ อโมจยึ ฯ

[๔๔๖] ตสฺมา สพฺเพน โลเกน สนฺธึ กตฺวาน เอกโก ๓
เปจฺจ สคฺคํ นิคจฺเฉยฺย อิทํ สุณาถ กาสิยา ฯ