[๔๑๗] เอถ พฺยคฺฆา นิวตฺตโวฺห ปจฺจุเปถ ๑ มหาวนํ
มา โน ๒ วนํ ฉินฺทิ นิพฺยคฺฆํ พฺยคฺฆา มาเหสุ นิพฺพนาติ ฯ
พฺยคฺฆชาตกํ ทุติยํ ฯ
___________
๓ กจฺฉปชาตกํ

[๔๑๘] โก นุ วฑฺฒิตภตฺโตว ๓ ปูรหตฺโถว พฺราหฺมโณ
กหนฺนุ ภิกฺขํ อจริ กํ สทฺธํ อุปสงฺกมิ ฯ

[๔๑๙] อหํ กปิสฺมิ ทุมฺเมโธ อนามาสานิ อามสึ
ตฺวํ มํ โมจย ภทฺทนฺเต มุตฺโต คจฺเฉยฺย ปพฺพตํ ฯ

[๔๒๐] กจฺฉปา กสฺสปา โหนฺติ โกณฺฑญฺญา โหนฺติ มกฺกฏา๊
มุญฺจ กสฺสป โกณฺฑญฺญํ กตํ เมถุนกํ ตยาติ ฯ
กจฺฉปชาตกํ ตติยํ ฯ
__________
๔ โลลชาตกํ

[๔๒๑] กายํ พลากา สิขินี โจรี ลงฺฆีปิตามหา ๔
#๑ สี. ยุ. ปจฺจเมถ ฯ ๒ ม. อยํ สทฺโท นตฺถิ ฯ ๓ ม. อุทฺธิตภตฺโตว ฯ
#๔ ม. ลงฺฆิปิตามหา ฯ
โอรํ พลาเก อาคจฺฉ จณฺโฑ เม วายโส สขา ฯ

[๔๒๒] นาหํ พลากา สิขินี อหํ โลลสฺมิ วายโส
อกตฺวา วจนํ ตุยฺหํ ปสฺส ลูโนสฺมิ อาคโต ฯ

[๔๒๓] ปุน ปาปชฺชสี สมฺม สีลํ หิ ตว ตาทิสํ
นหิ มานุสิกา ๑ โภคา สุภุญฺชา โหนฺติ ปกฺขินาติ ฯ
โลลชาตกํ จตุตฺถํ ฯ
___________
๕ รุจิรชาตกํ

[๔๒๔] กายํ พลากา รุจิรา กากนิณฺฑสฺมิ ๒ มจฺฉติ
จณฺโฑ กาโก สขา มยฺหํ ยสฺส ๓ เจตํ กุลาวกํ ฯ

[๔๒๕] นนุ มํ สมฺม ชานาสิ ทิช สามกโภชนํ
อกตฺวา วจนํ ตุยฺหํ ปสฺส ลูโนสฺมิ อาคโต ฯ

[๔๒๖] ปุน ปาปชฺชสี สมฺม สีลํ หิ ตว ตาทิสํ
นหิ มานุสิกา ๔ โภคา สุภุญฺชา โหนฺติ ปกฺขินาติ ฯ
รุจิรชาตกํ ปญฺจมํ ฯ
___________
๖ กุรุธมฺมชาตกํ